Apple 發表 MacBook 後，隨即多間廠商都推出 Ultrabook 迎戰，正如 Asus 今日發表 ZenBook 全新型號 UX305，設計仿傚 Macbook 用金屬外殼，造工精美輕薄，但唔知其他方面用落感覺如何呢？（以下有更多資料。）
最近每逢有 Notebook 大家都會拎來同 MacBook 比較，而這次 Asus 推出的 ZenBook UX305（下稱 UX305）屬 13.3 吋機，外殼跟 MacBook 同屬鋁合金製成，但機身僅厚 12.3mm 比 MacBook 更薄，而重量只係 1.2kg，厚度係同級 (13.3吋) 中最薄，而且還有黑、白及金色選擇。質感方面，小編 認為 UX305 都幾似 MacBook Air（尤其白色），金屬感很強烈，單手舉起都唔覺「墜手」，鍵盤 TouchPad 大細適中，但小缺點係外殼比較易沾上指紋。
▲ 13.3吋機僅重 1.2kg，重量都算可接受，單手都可輕鬆舉起。
▲ 機身厚度只有 12.3mm，比一毫子很薄。
▲ 鍵盤 TouchPad 大細適中，打字感覺普通。（但風格跟 Macbook 很似）
▲ 外殼使用鋁合金製成，金屬感強烈，感覺高貴，但小缺點是比較容易沾上指紋。
▲ Zenbook UX305 提供黑、白、金等三種顏色。
UX305 造工很薄，但機身兩側都提供多組介面，其中包括 3 組 USB 3.0、Micro HDMI、「耳機插」及 SD 讀卡器，除了 Micro-HDMI 須自備轉頭之外，其餘介面都可獨立運作，而機身右邊的 USB 更支援 Ai Charger 功能，關機狀況仍可為手機充電。此外，為照顧出 Trip 用戶，隨機還跟了 USB LAN 方便在外地使用。
▲ 機旁提供多組 USB 及 SD 讀卡器。
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
UX305 都跟 Macbook 一樣用了較低功耗的 Core M 處理器，而小編 手上的搭載了 Core M-5Y10c、4GB RAM 及 128GB SSD 屬最低 $7,498 的配置 (分別在 SSD / RAM 容量)，配合 Windows 8.1 操作非常暢順。雖然未支援 Touch 操作比較可惜，但換來的是 1080p IPS 霧面屏幕，最大優勢是唔似「水晶面」咁反光，屏幕顏色感覺較濃烈，亮度充足，如需要還可用 Splendid 手動調較色溫。最後，此機內建了 45Whr 電池，官方聲稱可用 10 小時，而小編 用了 Battery Mark 錄得負載可連續運作約 4 小時，即日常狀態用 7-8 小時都不成問題。
▲ 小編 手上的 UX305 搭載了 Core M-5Y10c、4GB RAM 及 128GB SSD。
▲ 13.3 吋 IPS 屏幕提供 1080p 解像度 ，細緻度其實都唔錯，顏色有少少濃烈，但重點是「霧面」睇落唔反光。(另有 QHD+ 版本，但香港未有)
▲ 機內預載一些 Asus 常見軟件，包括 Splendid 等…另有一個專為音效而設的 Smart Audio，可調較 EQ 及收音咪模式。
▲ 用 Battery Mark 可錄得連續負載可運作 4 小時，即日常情況用 7-8 小時都不成問題。
雖然 ZenBook UX305 未必夠 Macbook 輕，但工作用途小編 總覺得屏幕「一吋長一吋強」，即使這換來重 300g，但另一方面佢都提供多組 USB 及讀卡器，而最重要是定價只是 $7,498 起 (128GB)，而 256GB SSD 就 $7,998，以 ZenBook 過往貴價形象來說，這次定價算是相當進取。
售價：$7,498 (128GB /4GB/黑色) 、$7,998 (256GB/8GB/白色/金色)
查詢：ASUS（3582 4770）
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
