One M9 香港正式發售，但與此同時 HTC 剛剛在北京發佈全新 One M9+及先前 One E9+ 兩款新機，規格比 One M9 更強勁，而且確認配備 2K 屏幕，究竟 One M9+ 仲有咩特別就要留意喇！
傳了多時 One M9+ 終於正式發佈，機身設計跟之前流出相片完全相同，機上配備 5.2 吋 2K 屏幕，機面有 BoomSound 及 Home 鍵設計，並支持指紋辨識及網上交易功能，而機內用了 MediaTek MT6795T 8 核處理器、3GB RAM 及 32GB 儲存空間，並預載 Android 5.0 及 China Sense。此外，One M9+ 跟 One M9 同樣使用 2,000 萬像素鏡頭，但它還多了 One M8 時有的 Duo Camera，故此整體功能都比會 One M9 佔優。不過，暫時消息指 One M9+ 只會在中國發售，香港會唔會出都係未知數。
