上月底，Letv 為大家提供了一次搶購高性價比智能電視 S40 Air 的機會，唔知有冇 unwire.hk 讀者搶到呢？如果上次搶唔到，唔洗灰心，今個月又有了！Letv 剛公佈會在 5 月 27 日下星期三，再度提供 1,000 部 S40 Air 這部性價比王智能電視比大家搶購，上次搶唔到的朋友，就要把握今次的機會搶番部啦！
上次搶購的 1,000 部 S40 Air，唔洗 13 分鐘就比人搶哂。相信 Letv 知道上次搶唔到的樂迷一定心有不甘，所以在一個月後，再推 1,000 部俾大家搶購。無辦法，Letv S40 Air 擁有 4 核 CPU + GPU、2GB RAM、16GB 儲存空間、魔音 3.0 系統（DTS 2.0 + Dolby Digital Plus + TruSurround），加上採用薄機身及幼邊框設計，而且成 40 吋智能電視都只係賣 $1,999，自然大受歡迎。所以上次搶唔到，今次就要再把握機會啦。
至於點解要買 Letv 超級電視？除了可以比大家睇日常電視台提供的節目外，它亦採用樂視香港 UI 介面，提供超過 10,000 小時的節目內容，最近不只宣佈開拍 Letv 在香港拍攝的首套自製劇《天才在左 瘋子在右》，還有傳會與亞視合作，唔只會採用亞視廠房及拍攝設備，輔助 Letv 網絡劇拍攝，增加製作本地節目，而且會以外判形式聘用亞視員工，為 Letv 拍攝劇集進行後期製作。更有傳 Letv 會洽購亞視約 1 萬小時的經典節目版權，唔知第日可唔可以係樂視香港 UI 介面上面，睇到《我和彊屍有個約會》、《尋找他鄉的故事》呢？
如果大家真係想今次搶購到 Letv S40 Air，就記住點按此登記預約，然後係 5 月 27 日中午 12 點再次點按進入樂視官方商城搶購啦！
