之前都有報導過 Panasonic 推出了一部奇形怪狀的波波風扇，而且聲稱可以輸出 7 倍風力！到底係咪有想像中咁強？就等我依莉詩同大家研究研究！
波波風扇最突出的當然是佢嘅外型夠特別，球型設計，似足保齡球，但機身小巧，單手都拎得起。不但沒有扇葉，更有 7個大窿。中間最大的窿是主要出風口，而旁邊 6個細窿負責空氣對流。至於顏色有瑰麗紅、香檳金 及 珍珠白 選擇可以配合家居環境作裝飾之用。
▲ 雖然佢似足保齡球，而且單手都拎得起，但就唔夠圓，唔可以當保齡球碌。
▲ 佢比足球大少少，但都係唔夠圓，唔可以當足球踏架！
講到風力其實唔算好大，如果以風扇來說好比一把 F95B 兩倍風力左右。其實這個波不算是把家用風扇，風力不大而且不會轉向，說明書指實際用途是幫助空氣對流，例如廳的冷氣未能吹到走廊，可以用佢帶動空氣流動，達致循環效果快速降低室內溫差。
▲ 據官方表示，當空氣從特製的通道走進風扇時，會進入「Turbofan」系統，當空氣被釋出，表面的各個小洞就有助產生額外的氣流，令風力加大，從而做到輸出風力比輸入風力大 7 倍的效果。
▲ 波波風扇有 3個掣，除了 3小時電子時間掣，還有 5段風速調節掣及電子開關掣，另有一個 1/f Yuragi 模擬自然風模式。
▲ 就算校到最大風速，都仲可以近距離對住出風口大嗌，釋出的風果然夠「自然」！
▲ 唔知用來吹指甲，幾時先會乾呢？
藍田公屋風扇鋰電池著火 7 人吸入濃煙不適
波波風扇的外型夠晒突出，但實際作用不大，而且開最大風的時候有少少嘈。風力唔算太大，唔可以當普通風扇用，只可以係開冷氣的時候用來做對流。如果俾小編揀，我會買幾十把巴蕉扇！
建議零售價: HK$2,680
查詢：Panasonic（2833 0855）
藍田公屋風扇鋰電池著火 7 人吸入濃煙不適
