最近，一個移民美國多年的表弟返香港探親，所以同佢出左去玩同買野，作為一個港女，我地梗係有影相同埋玩自拍啦！於是我就攞部iPhone出黎，咔嚓咔嚓（其實較左冇聲）。
影完相，表弟拎起我部電話睇相，就問我：「點解你部電話個 MON 度有粒掣，半透明，仲可以郁黎郁去嘅？咩黎架？」
我望一望佢部電話，都係 iPhone 丫，唔通佢玩我，扮唔知係咩？就答：「咪 Home button 囉。」
「點解會有個 Home Button 係畫面嘅？咩 App 黎架？」
「咩呀，部部 iPhone 都有架喎！係 built-in 架喎，Setting 度㩒出黎架咋喎！」
「我從來都未見過人用喎，原來有啲咁嘅 function 架？！」
Shock！乜呢樣野唔係好 Common 架咩，我以為全世界用 iPhone 的人都知。於是我回帶，諗返起當日我初用 iPhone 的時候點解會知道有呢樣野。
我之前因為睇得韓劇多所以一直係用三叔牌行 Android 的電話，兩年前因為工作需要，先轉用 iPhone，一用就已經係 5s，開頭完全唔慣，成日要問人點用。
有一日，我朋友同我講，話個實體 Home Button 好易壞，幫我開左個 AssistiveTouch，等我唔使成日㩒壞粒野。本來覺得畫面上有粒半透明掣好阻定，後來用慣左有時已經自動無視佢，見身邊用 iPhone 的人都有用呢粒野，我一直都以為好 Common，直至我表弟同我講話佢唔知粒野的存在…
於是我好好奇想知其他國家的人係點用 iPhone，竟然俾我睇到篇文，仲要係近期出。作者應該係美國人，佢話有日係條街度見到個中國遊客，好驚訝個遊客竟然可以出神入化地用 AssistiveTouch 黎操控電話，覺得匪夷所思，仲拍埋片。
其實當初 Apple 出呢粒掣係想幫一啲㩒掣有困難的人，例如：手指用唔到力，手指有殘缺等，方便佢地用到個電話，同埋做到啲「手勢」，例如多點觸控，放大縮細等，而唔係我想像的捷徑…
因為呢粒掣，我同左幾個來自唔同國家的朋友傾計，睇下佢地知唔知 AssistiveTouch 係乜傢伙。
朋友話：有呀，個 Touch 開著左，不過長期唔用，已經無視左
我話：我有同佢講可以熄左佢其實XD
朋友話：有啊，一直有在用。就是為了防止 Home 鍵跟開關機鍵按多壞掉，而且用輔助還蠻順手的
我話：跟我一樣嘛～～
朋友話：那是 iphone4s 的 home 鍵會壞，所以才用那個。不過我不喜歡，因為位置不能固定，都會移來移去。目前home鍵似乎沒這麼容易壞，所以比較少人用。
我話：嘩！原來係 iPhone4s 帶起呢個熱潮。
朋友話：我用LG G3，打算轉用G4
我話：答案不乎:P
朋友話：我搭地鐵個陣見到有人用，a lot!（佢強調），可能因為Home Button最易壞，同埋維修費好貴，所以佢地down呢隻App。
我話：我有話佢知唔係App黎，btw 佢都係用 iPhone
唔知各位用緊 iPhone 或曾經使用 iPhone 的讀者，有冇用呢粒 AssistiveTouch 架呢？
【教學】用「眼神」操作 iPhone iOS 18 最新「眼球追蹤」實試 + 注意事項 【教學】iPhone 一鍵即開中國支付 App 主要功能 鎖機畫面直接開付款碼、掃一掃、乘車碼 Apple 與兩大韓國公司合作 為 iPhone 開發屏底相機零邊框屏幕
