最近小編部手機愈來愈慢，連玩 Tsum Tsum 都慢人幾拍，一路都打算買過部新手機，但眼見部部旗艦機都係差唔多，開始睇到有 D 麻木。而昨日新出左部 SUGAR 2，終於俾到少少驚喜我。雖然論規格唔係最強，論外型又唔係曲面機咁獨一無二，不過我就係鍾意！
SUGAR 2 鑲嵌了 136顆 SWAROVSKI 人工寶石，每一粒都光亮得媲美天然鑽石，非常 Bling Bling 。雖然 SUGAR 2 並唔係第一部鑲有SWAROVSKI 人工寶石的的手機，不過佢嘅襯色的確比上一代進步，沒有了 SUGAR 1 粉紅色寶石的老土，亦沒有了 Sugar Macaron 的玩具感，取而代之的是香檳色流線型機殼，配以香檳色金屬鋁邊框，再出一點優雅時尚。
▲ SUGAR 2 雖然採用 5.2吋螢幕，但機身厚度只有 7.8mm，僅重120g，就算小編單手都可以控制自如。
▲ 在一體成形的金屬鋁邊框上有 136顆由人手鑲嵌的寶石。
▲每粒寶石都刻有 「SWAROVSKI ZIRCONIA」防偽鐳射標籤的炫美瑩彩寶石。
好多時賣俾女仔嘅野都要有個故事做包裝，就好似明知鑽石只係炭人工寶石只係玻璃，但女仔就係會因為鍾意背後的意境而去買。而 SUGAR 2 的靈感取自玻利維亞的「天空之鏡」，以大自然的銀河、星空璀璨作題材，非常浪漫。
▲ 事實上，小編將手機反轉再反轉，除了手機的預設 Wallpaper 是玻利維亞的「天空之鏡」，我感受唔到甚麼銀河、甚麼星空。
基本上相機食先、自拍打卡已經成為左大部份女仔生活的一部份，所以對手機鏡頭的質素好有要求。而 SUGAR 2 配備 800 萬像素高清前置鏡頭 (F/1.8 特大光圈) 和 1300萬像素後置鏡頭 (F/2.2特大光圈)，更加入左前置LED補光燈及後置LED高亮度閃光燈，以後就算係陰暗的環境自拍都唔怕黑面啦！另外，手機內置一鍵美顏拍照功能，拍攝前後處理去眼袋、大眼、瘦臉、亮眼、滑膚、美白等功能，大大減少左修圖的時間，可以一拍即刻 up 相上 ig 。
▲ SUGAR 2 可以在拍攝前後調校美肌的程度，而且有伸出大拇指和 V手勢遙控拍照功能，可以媲美自拍神器。
▲ 在一鍵美肌的功能上可以看到小編個樣有非常大的分別，可惜其美白功能沒有顧及頸部呢！
一收到部 SUGAR 2 ，數碼港女就同我講「乜咁港女嘅？一 D 都唔文青！」佢一講，又覺得幾岩，呢部機的外型走時尚 Bling Bling 路線，只對於某種類型的女仔來說有市場。而我就覺得揀手機的條件唔需要複雜，就係外型夠靚，影相夠快就得啦！仲有呀！ 5.2吋、全高清1920 x 1080 螢幕，顏色鮮明，好容易就分到邊隻打邊隻 Tsum Tsum，分都高左好多呢！
查詢：SUGAR
建議零售價： HK$4,680
