想像一下你走進一間茶餐廳，入面的裝飾展現出簡約主義的設計，光線充足。一眼看過去，整個地方都放滿一張張四人檯，有方檯有卡位。基乎每張檯都坐了人，有的三「四」成群，有的一個自己坐，很多人都一臉正經地對著手提電腦或其他智能裝置，不似在邊食晏邊煲劇。
用眼球搜索了好一陣子，終於找到一張沒有人坐的四方檯，你便立即上前坐下霸個好位。定一定神之後再環顧四週，發現原來每張檯的上方都有一個顯示器，每個都寫著不同的東西。雙眼近視的你只看到最附近的幾個寫著「單車共享 app」、「智能耳筒」、「電筒形太陽能電池」。再看看你頭上的顯示器，寫著「構思中」。當你一頭霧水時，有一個手拿 MBA 的後生仔走到你旁邊問：「你張 CTO 櫈係咪未有人坐？」
「吓？」你只覺更迷惘。
後生仔指一指你旁邊那張櫈，上面真的寫著「CTO」。原來這裏每張檯的椅子都有名堂，分別是 CEO, CTO, Design Director, CMO，你剛好坐在 CEO 的椅上。
「冇人架，你隨便坐啦。」你終於回答。
「我叫 Derek 呀，喂，快啲叫嘢食，一邊食一邊諗一邊搵 partner 喇，好餓呀！」話口未完後生仔已經在手機上連按五六下，好像已經落了柯打。
「你有咩 idea 呀？」Derek 問。
「其實我…我想問呢間茶餐廳搞乜鬼架，咁怪嘅？」
「吓？你唔知架？」Derek 面露驚訝，於是便詳細地向你解釋了。
原來這個茶餐廳是一間創業茶記，要入來幫襯要先在這茶記的 app 登記加入，寫好個人 profile，之後就可以自由進出，食物飲品免費！
大家在這裡可以自由分享 idea，自由組隊，之後天天在這裡一隊人埋頭苦幹。有時候有些公司或者 startup 可以上台講 talk、大公司來推廣產品、又有 startup 會上台 pitch 等等，不過這裡是要付錢買 stage time 的。茶記也會定期賣飛給對 startup 有興趣的公眾或投資者來聽分享及大食會，startup 也可以買 stage time 上台向公眾及投資者講解。
當中有部分有潛質或有初步市場驗證的隊伍可經申請進入「Incu 杯茶」，得到一些經驗、資金、技術、人脈、媒體等等的支援，加速成長。
「嘩，好似好正咁喎！」你忍唔住流露出很想要吧的表情。
「如果我返到現實世界都有呢間創業茶記就好喇。」
之後你就在床上睜開眼起身。
– 故事完 –
