講起掃描器，一般家居用家都會選擇多合一（打印、掃描及影印）的機款，但對於工作為主的 SOHO 一族，尤其是需要經常掃描大量文件的用家來講，單一功能的掃描器可能更能迎合他們的需要。Canon 最近就推出了專為 SOHO 一族而設的 imageFORMULA DR-F120 掃描器，唔止功能多多，外形仲幾靚。以下有更多資料：
SOHO 用家工作的地方，唔係細小的辦公室，就係屋企。說實在，以香港的狹窄環境，SOHO 辦公室大極有限，所以每一寸的空間都要用到盡，如果機身太大就會好阻定。Canon imageFORMULA DR-F120 掃描器唔止外形幾靚仔，機身以提供到呢個功能的機款來講都算幾薄（高度：120mm），無論放係辦公室定係屋企，一啲都唔失禮。
▲Canon imageFORMULA DR-F120 機仔細細唔會好厚，而且外形幾靚仔，放係 SOHO 辦公室都幾靚。
香港人乜都要講快快快，但其實除咗快之外，都一樣要講質素。imageFORMULA DR-F120 就真係兩者兼備，唔止掃描速度可以高達 20ppm，仲可以掃描雙面，速度更高達 36ipm。至於質素方面，imageFORMULA DR-F120 提供了自動化影像優化選項，令掃描出來的文件，如有模糊的字體，會轉換為清晰文件，保持高質素的影像效果。此外，掃描黑白或彩色文件時，如果遇上空白頁，imageFORMULA DR-F120 更會自動 ignore；遇上文件中有橫向有直向的文字時，亦會自動為用家旋轉至單一方向，方便事後閱讀。它更設有 Deskew 掃描影像矯正功能，就算放歪了文件，系統亦會自動轉回垂直方向，不用再重新掃描。
▲Canon imageFORMULA DR-F120 提供自動化影像優化選項，如果掃描文件有模糊字體，會自動轉換為清晰。
▲掃描時如遇上空白頁會自動 ignore，十分智能。
▲有 Deskew 掃描影像矯正功能，即使放歪了文件，亦會自動為用家轉回垂直方向。
【評測】Canon EOS R5 Mark II 全能高像素無反相機 AI 對焦性能大提升 + 人像與風景試相放大睇 【現場實試】Canon EOS R5 Mark II AI 動作優先對焦 + 註冊人物優先對焦功能實用
此外，Canon imageFORMULA DR-F120 更提供平台式及 Feeder 自動文件輸送器式掃描方面，而 Feeder 更可以一次過放 50 張紙，無論是厚、薄、甚至大至 Legal 尺寸（216 x 356mm）的文件都可以支援到，彈性好大。此外，它的平台式掃描面板，不但可掃描書本、雜誌、膠卡（例如：身份證）等，而且會自動感應頁面大細，裁走四邊的空白位。遇上較薄的雙面文件時，更設有技術防止連頁背的影像都掃描到同一頁文件上，咁樣無論掃描什麼檔案，都唔洗擔心會降低質素啦。
▲有兩種掃描模式，除了一般的平台式掃描外，亦有 feeder 掃描，而且 feeder 可掃描單面或雙面，好方便。
▲掃描速度好快，小編以彩色 + 雙面 + 300dpi 掃描一整本 32 頁的 unwire 雜誌，時間不過是 3 分 34 秒，以呢個價位的掃描器來講都算幾快。
▲掃描出來的質素都算唔錯。
有些用家，可能對科技唔係咁熟悉，買部新機番去如果操作複雜，真係盞搞。Canon DR-F120 在設計上就照顧到呢班用家，只需要利用機身前方的按鍵，就算不經電腦控制，都可以完全操控掃描不同檔案！咁大家會問：咁掃描了的電子影像檔儲存去邊？imageFORMULA DR-F120 就支援多種雲端儲存平台，包括：Evernote、Dropbox、Google Drive、SharePoint、OneDrive 及 SugarSync，掃描後即時上載，真係好方便！以後出街見客，萬一拿漏份文件，都可以叫 office 同事即時掃描並上載到雲端，然後大家係手機或者平板度，就可以開番份文件出來，唔洗特登撲番 office 拿咁費時失事。
▲基本上所有操控按鍵均位於機身前方，唔洗經電腦控制都一樣掃描到文件。
▲支援多種雲端儲存平台，掃描好的文件可以直接上傳至雲端儲存，然後在手機上下載回來就可以了。
售價：$4,280
香港授權總代理：GrandTech（2919 8711）
究竟 Canon 呢部最新推出的 imageFORMULA DR-F120，邊啲行業的人最啱用？unwire 就此訪問了 Canon 商務影像方案產品市場科經理楊卓榮（Henry）。他表示 imageFORMULA DR-F120 主要針對 SOHO 一族，以掃描量需求而定。一般適用於在家工作者，如：設計師、中小企、需處理大量文件的公司、學校及補習社等。
另外，Henry 亦表示 imageFORMULA DR-F120 內建了褪色功能，可以讓用家選擇褪去掃描文件中的黑、紅或藍色，這對於教育機構，例如：學校、補習社、甚至家長自己都最有用：「老師或補習老師可以用 imageFORMULA DR-F120 將有答案的教師教學用作業掃描，然後褪走答案（一般是紅色字），然後再打印出來，就可以供學生練習時用，毋須另外再買一本學生作業本。另外，家長們亦可以將過往老師已批改的試題用 imageFORMULA DR-F120 掃描成數碼檔案，再褪走學生的藍色原子筆字及老師批改的紅字或紅剔，之後再打印出來，就可讓子女再做一次，鞏固好所學知識，比以往要先影印再用塗改液將答案塗走然後再影印才可讓子女重做，確實方便很多哩！」
▲Henry 在訪問中更表示，一些要經常掃描文件，但每次數量不多的 SMB 也很適用，因為 imageFORMULA DR-F120 掃描速度及質素在這個價位來講已是超值，加上機仔細細放在辦公室一點也不佔空間，絕對可以有助提升生產力。
【評測】Canon EOS R5 Mark II 全能高像素無反相機 AI 對焦性能大提升 + 人像與風景試相放大睇 【現場實試】Canon EOS R5 Mark II AI 動作優先對焦 + 註冊人物優先對焦功能實用
