一切都係土地問題，一定係，除非唔係。日前明愛向晴軒公佈了為期兩年的婚外情調查，過千受訪者當中三成有婚外情問題，近半人指親友出現婚外情。負責調查的社工系教授趙雨龍指手機通訊軟件如 WhatsApp、Line，還有社交網絡都催化了婚外情。
調查發現不少人利用 WhatsApp 等談情，教授認為執完相再放上網，令網上對話充滿讚美，互動較多，建議已婚人士不應受網上世界蒙蔽。電影對白有謂「十個男人九個滾，一個仲諗緊」，出軌是否跟科技有關，相信讀者心中有數。WhatsApp、Line、Facebook 無論如何都是溝通工具，而非溝女溝仔工具，否則電視就毋須製作剩男剩女節目了。
未有智能手機的年代就用 SMS，沒有手機就用電話傳呼機，睇粵語長片都知道當時流行寫情信講暗號。無論男或女要出軌，就算什麼工具都沒有，靠一對腳都可以尋花問柳，調查結果亦顯示性工作者是排第三位的婚外情對象。如果用 WhatsApp 較易令人出軌，同樣地亦應該更容易維繫夫妻關係，問題是科技如何被運用。
同一個調查發現婚外情對象是同事和朋友的各佔三成，分析指工時長容易日久生情；又說買樓難導致遲結婚，令期間出現第三者或感情轉淡，婚後更易發生婚外情。說到重點了，為買樓所以要努力返工，於是日久生情有婚外情；上車困難所以遲結婚，出現第三者然後婚外情。根本就係惡性循環！無論用 WhatsApp 氹到幾多女，或者 Facebook Flirt 到幾多仔，除非接受到殘厠 Gathering，否則無瓦遮頭咪又得個吉。講到尾科技唔係出軌元兇，土地問題先係（好似係）。
Facebook 關鍵數據改為觀看次數 取代原先的曝光數 未完成訊息自動儲存 WhatsApp 推出訊息草稿功能 澳洲禁 16 歲以下少年使用社交平台 社交媒體需驗證用戶年齡