睇電視、打機都開始講求 4K 高清，試問監控又點可以停留係 720p 水平呢？最近 Wansview 推出一款 NCM625GA IP-CAM，賣點是售價唔洗千元就可享 1080p 質素。
考慮 IP-Cam 無非都係睇規格，這款 Wansview NCM625GA 賣點係支持 1080p 解像度，監控影像可以更清楚細緻，萬一要翻查紀錄都條片睇唔清楚，再加上備有紅外線可日夜拍攝及 350° 水平與 90°垂直的可活動設計，無論看門口、睇住工人照顧小朋友都萬無一失。
▲ 鏡頭支援紅外線日夜拍攝。
▲ 可以 350° 水平與 90°垂直轉動，機上還附有喇叭垃收音咪設計。
▲ 附有掛牆工具。
NCM625GA 可兼容 Windows、OSX、Android 及 iOS 平台，電腦可透過 iSmartViewPro 軟件管理、預錄及設定多支 IP-Cam，而手機就只須下載 App 然後跟住步驟設定即可。其後，它亦提供聲波連接方式，透過手機響聲連接 Router，但效率一般，如果想快就插 LAN 線再選擇 Router 會較快捷 。
▲ 在手機下載 App 後掃瞄 QR Code 就可找到 IP-Cam。
▲ 啟動後手機會發出高頻音來搜尋 WiFi。
▲ 小編試過數次後還是選擇駁 LAN 線的方法，然後在進階設定選擇 WiFi 網絡。
用戶可點選想看的 IP-Cam 畫面，選項分佈在上下兩邊，IP-CAM 角度就可透過手指掃動改變或設定為 Pan/Tilt 模式，可拍攝相片或影片，還可啟動喇叭及收音咪進行互動。而拍攝後的相片及影片可儲存在 SD 記憶卡（最大支持 64GB SDXC）或直接儲在手機裡。
▲ 可在下欄可改成 1080p 解像度。
▲ 還有更多進階選項如 FTP、Mail 及預錄等等。
▲ 影片及相片都可以儲存在 SD 記憶卡或手機內。
▲ 拍攝影片有 1080p 解像度，但 bitrate 只有 356kbps 左右。
售價：$898
查詢：Everbest（2544-8280）
