完美解決手機在公司屋企收「0 – 1 格」 ! Voice On Wi-Fi 香港正式啟用 （附教學）

好多人問天恩點選台，我通常都會叫佢上台前買佢地個台張儲值試下先，如果屋企或公司收得唔好又或者甚至收唔到就試過第二間。而家香港有電訊商終於支援 Voice On Wi-Fi 解決呢個問題

 

0 – 1 格都唔驚!打入打出超清

唔好話收唔到台，其實好多時手機收 1 格都好危險，人地打入黎未必下下接通，好彩的話都可以聽唔清楚或斷線。好多 unwire 讀者如果屋企或公司有呢個情況的話，新推出的 Voice ON Wi-Fi 服務可以幫到你。手機除了可使用 2/3/4 G 網絡通話外，更可以使用 WIFI 通話！不需用 App ，手機會自動偵側那個訊號強自動選用，因此就算你公司／屋企 0 格，有 Wifi 一樣無問題

支援機種少

不過此 Voice On Wi-Fi 技術，暫時有 3Hk 及 SmarTone 提供服務，手機方面亦只支援 iPhone 5s、iPhone 5c、iPhone 6 及 iPhone 6 Plus (SmarTone 只支援 iPhone 6 及 6 Plus )，而iOS 中叫作「Wi-Fi Call」功能

有 VoLTE ，斷 WiFi 不會斷線

可能各位會怕通話時離開 WiFi 區域會斷線，答案是不會的！失去 WiFi 後可自動跳回  VoLTE 繼續通話，但如果收不到 LTE 訊號，只有 3/2 G 的話便會斷線了。

 

限香港使用，照扣本地通話時間

不要以為用了自 WiFi 就等同 Skype 可免費打 IDD 而且是無限 Air Time ，因為電訊商仍需要把機房接通你的手機 IP 才能讓你可以如電話般用 Number 打出打入，所以是照扣 Air Time 的而且只限香港使用，當然你可以在香港透過 WiFi Call 如常撥打 IDD，收費也如常。

常見問題:

如何開啟 WiFi Call?

需要使用 iOS 8.3 或以上， 按 「 設 定 」-> 「 電 話 」， 然後允許  「 Wi-Fi 通 話 」。當你連接 WiFi 後， 「 WiFi 通話」 就會自動開啓。畫面右上角亦會提示你正在使用 Wi-Fi Call

 

檢查 VoLTE/4G 有否開啟

由於 WiFI 通話在通話中失去 WiFi 連線後會自動跳回 VoLTE，如果沒有開啟 VoLTE 功能就會斷線了，所以我們也最好確定有開啟 VoLTE ， 按 「 設定 」-> 「 行動網絡 」， 啟用 LTE/4G 選擇  「 語音與數據 」。當你使用 VoLTE 時，會顯示 LTE/4G 符號

 

 

 

為甚麼我不能開啟 Wi-Fi  Call ？

暫時只有 3HK 及 SmarTone 支援，如果你是該台用戶的話可以試一下 「 設 定 」 -> 「 一般 」， 再 按 「 關於本機 」看看有沒有電業更新提示，必需更新後才能開啟 Wi-Fi Call

 

我有 WiFI 以及開了 Wi-Fi 通話，但左上角沒有出現 Wi-Fi Call 提示

剛開啟後可能會有這個問題，試打出一個電話，回來後就看到了

 

為甚麼開啟 Wi-Fi 通話後，我 iPad 及 Mac OS X 裝置不能接聽／撥打電話 ?

正常的，開啟後就失去這個功能

 

 

參考 : SmarTone