Tinder 大家可能就聽得到，而最近有新推出的 Binder 可能大家都未聽過。不過唔好誤會， Binder 並唔係 dating app ，佢反而係一個 break up app ，仲要係最口賤既一個。
其實好多時面對面分手非常尷尬，所以都會有唔少人選擇用 Message 黎分手，不過要諗講咩其實都頭痕。如果你想狠狠地分手， Binder 絕對係你必裝 app 。首先你要揀返你另一半既姓別，然後再輸入佢個名同電話，跟住就揀返個賤到爆既理由，再向右滑動就完成架啦，段戀情都應該 … （完之吧，如無意外）。
如果你覺得仲唔夠殘忍，另一半仲死纏爛打，就可以選擇 send 個語音比佢，係由一個蘇格蘭男唱：「你男朋友唔愛你啦，佢好憎見到你個樣，佢覺得你好討厭麻煩，每次見到你佢都都覺得好嘔心。」
其實呢個 app 係由蘇格蘭啤酒公司 Tennent’s 所研發，呢間公司係以前都已經笑過唔少科技產品，當中包括 Apple Watch 。 Binder 既推出雖然受到唔少媒體關注，可惜根據 Google Play 黎睇都只係得 5-10 個安裝。如果你要分手係因為好憎對方，就不妨 download 呢個 app 落黎狠狠地反擊佢啦！
來源： Digital Trend
