HTC 之前出咁多 E9、M9，今次更將 2 個系列撈埋變成 One ME dual sim（下稱 One ME）。簡單說即係 One M9+ 平價版本，如果你想知部機好唔好用就要留意喇！以下有更多資料：
膠殼 One M9+！冇咗 Duo Camera
今日見到部 One ME dual sim（下稱 One ME）第一眼仲以為係 One M9+，兩個部設計很似，顏色差唔多，屏幕底仲有指紋掃瞄器，不過拿起就會發現部機原來係膠殼，這方面感覺跟 E9+ 差唔多，質感比 Desire 高級，而設計分別係把 SIM 與 MicroSD 卡槽分開，值得讚係蓋更易打開，但缺點係誤以為開關按鈕，其次機背亦改用單鏡頭。手感方面，部機單手操作輕鬆，而且亦比 One M9+ 稍輕一點。
▲ One ME 設計跟 One M9+ 非常相似，差別只係用了膠殼及厚了 0.2mm，單手操作輕鬆。
▲ MicroSD 及 SIM （Nano）卡槽分別設在機身左右。
▲ 機背改用膠殼設計。
▲ 跟 One M9+ 不同的是鏡頭不再 Duo Camera，而是改用 2,000 萬像素鏡頭及雙色 LED 補光燈。
▲ 雖然卡槽蓋易開，但 MicroSD 那邊跟音量鍵容易混淆。
指紋可用「支付寶」連 One M9+ 都冇！
相信大家都會認為 One ME 指紋功能理應同 M9+ 相同，但可惜 HTC 讓大家「跌眼鏡」！因為除了 Home 鍵及解鎖，One ME 還加入「支付寶」保安認證功能，通過指紋代替輸入 6 位數字密碼，安全又更方便，但首先你要有「支付寶」賬戶。不過，最驚喜係「支付寶」功能暫時僅 One ME 獨享，旗艦「阿哥」One M9+ 就反而冇。
▲ 指紋掃瞄器設計跟 One M9+ 相同，基本功能包括 Home 鍵及解鎖。
▲ 指紋設定內多了「以支付保支付」的選項。
▲ 在「支付寶」最後確認步驟可改用「指紋支付」選項。
繼續 MTK 8 核、2K 屏幕！
One ME 雖然平啲，但機內都配備 64bit MediaTek MT6795八核處理器、3GB RAM 及 32GB 儲存空間，規格跟 E9+ 相同；比 M9+ 慢少少，可插 MicroSD 擴充，於 Antutu 大約有 47,000 分成績，成績拍得住其他旗艦機，最重要係冇咁熱！此外，One Me 都配備 5.2 吋 2K 屏幕，尺寸跟 M9+ 相同，但顏色就少少偏藍，感覺比 G4 仲藍少少，但畫面都算夠光（比 G4 光）。
▲ 搭載 MediaTek MT6795 八核處理器、3GB RAM，於 Antutu 錄得大約 47,000 分成績。
▲ 內建 32GB 儲存空間，實際可用大約有 21GB。
▲ 3GB RAM 閒置時大約有 1.4GB Free RAM
▲ One ME 屏幕跟 LG G4 比較會更偏藍少少，顏色明顯冇 One M9+ 咁準。
▲ BoomSound 在 One ME 上表現都唔錯，而且亦非常夠聲。
▲ 支援雙卡雙待及中港 4G 及 3G 制式 （包括 TD-SCDMA）。（FDD 700/850/900/1800/2100/2600；TDD 1900/2300/2600）
▲ 原裝火牛只有 5V / 1.5A，充電時實際輸入只有 0.87A，因此充滿 2,840mAh 都須一段時間。
▲ 預設拍攝功能只有相機、自拍及全景，故此未支援拍攝 RAW 格式。
▲ 2,000 萬像素鏡頭效果跟近期 HTC 機差唔多，對焦反應還好，但細節被嚴重「油畫」，尤其放大後見到 Model 眼眉就忍不住…. （評級：純網上分享）（可按下收看原圖）。
小編 ：膠殼版更抵玩！x2
試玩完 One Me 小編 覺得佢感覺同部 One E9+ 咁一樣咁抵玩，設計規格同原版 One M9+ 九成似，分別只係換咗膠殼，冇左 Duo Camera，但就多了「支付寶」功能，如果唔抗拒膠殼（或會用保護殼）$4,398 係絕對抵玩過 One M9+ 。唯一抉擇係佢同 One E9+ 同價，但你問我就比較喜歡「大芒」的 E9+ 多點。
售價：$4,398
查詢：HTC（3077 5588）
