唔知大家喺一個月內將自己私人號碼俾咗陌生人幾多次？平日上網買嘢出去交收、登記交友app、玩市場推廣嘅遊戲等，但又唔想俾個電話號碼人，可以點做？以下就等小編為大家分析一下市面 3 個玩「分身」嘅方法啦。
第一個方法最簡單：買過部平平地嘅手機做副機，然後再買多張儲值卡做副號。不過，買過部機最平都要幾百，加埋幾十蚊儲值卡成本都唔低。又要袋兩部機出街，好麻煩囉！
另一個方法就係買番部雙卡雙待手機。不過要放棄手上嘅旗艦手機，買過部有雙卡雙待嘅手機，果度都幾千蚊；再加埋要出多張卡，每月仲要俾多幾十到幾百蚊電話費，好唔抵！又要適應個新電話介面，真係連時間都浪費埋！
至於第三個方法？就係用最近推出嘅「一機多號」服務！只需要喺你部手機入面，即時下載程式，就可以立即喺入面加1至4 個號碼，即加即用！都只係每 30 日 35 蚊，平均 1 日 1 蚊多啲就多個電話號碼用嚟傍身。
小編試過，基本上 3 分鐘就開多個號碼用。而家就教下大家啦！
驚好複雜？一啲都唔會，3 步就搞掂！小編試過，基本上 3 分鐘就得。而家就教下大家啦！
【評測】HUAWEI Pura70 Ultra@天通衛星通訊 香港表現詳細評測（下） 天通衛星市區表現@ 全面評測 + EMUI OS 簡介 【評測】HUAWEI Pura70 Ultra @天通衛星通訊 香港表現詳細評測（上）- 天通衛星解構 + 開通步驟教學 + 郊區表現實測 世衛 28 年數據顯示使用手機與腦癌無關 電話普及率升但腦癌發病率無變化
▲Step 01：係 Apple App Store / Google Play Store 下載「一機多號」程式 –> 輸入主手提電話號碼 –> 收到驗證訊息 –> 輸入訊息內 6 位數字。
▲Step 02：選擇「新流動電話號碼」–>填寫信用卡資料及授權收費 ->點按「繼續付款」。
▲Step 03：選擇自己喜歡的電話號碼（可從 10 個中選擇） –>仲可以幫條線改個名，以便識別–> 完成！係咪好簡單呢？
咁用「一機多號」有咩好？而家小編就同大家列舉出 4 個優點啦！
喺同一部手機經 app 加個號碼就可以將工作同私人生活分開，開多個附加號碼俾你平時網上購物或者二手買賣區買完相機、鏡頭、音響後聯絡賣家，甚至申請會籍時都可以用到。
▲邊個號碼邊類人打來，一清二楚！
▲ 除咗喺手機上揀新號碼用之外，仲可以匯入你而家用緊嘅號碼 (流動電話或家居固網電話)
當大家用「一機多號」個陣，每次可以揀用邊個號碼撥出，每個號碼都有自己唔同顏色嘅介面、個別嘅號碼顯示、訊息、電話簿、以及留言信箱。當有電話打入時，手機會顯示邊個人致電你邊個號碼，一定唔會攪錯啦！
▲ 每個號碼都有自己嘅介面，而且從唔同介面撥出號碼，對方睇到嘅電話號碼，都只係相關嘅號碼。例如：如果你用夜蒲嘅號碼打電話俾人哋，人哋就只會見到你呢個號碼，而唔會見到你用「真身」號碼打嚟。
▲ 而且唔同類別都有自己嘅電話簿，咁就唔驚用錯電話打錯俾唔啱類別嘅人啦！
▲ 唔同類別嘅介面，都有各自嘅 SMS 介面同埋留言信箱，大家唔驚覆錯信息。
第三個好處，就係呢個服務月費真係好平，每個號碼都係 5 蚊一日，更設有封頂價，用足 30 日每個號碼都係收 35 蚊！即係話，點都平過大家買儲值卡玩「分身」。
雖然呢個「一機多號」app 係由 SmarTone 推出，但係呢個服務唔只限於 SmarTone 用戶，而係任何香港電訊商嘅用家都可以即時下載及使用，真係好方便。當然SmarTone用戶梗係再方便啲啦，款項直接喺月結單內收取，無需填寫信用卡資料。
總括而言，3 個方法入面，「一機多號」係唯一可以令你喺一部手機用到唔同電話號碼，而且又係成本最低、手續最簡單嘅服務，仲唔快啲喺你部手機下載！
【評測】HUAWEI Pura70 Ultra@天通衛星通訊 香港表現詳細評測（下） 天通衛星市區表現@ 全面評測 + EMUI OS 簡介 【評測】HUAWEI Pura70 Ultra @天通衛星通訊 香港表現詳細評測（上）- 天通衛星解構 + 開通步驟教學 + 郊區表現實測 世衛 28 年數據顯示使用手機與腦癌無關 電話普及率升但腦癌發病率無變化
