雖然依家啲滑鼠越做越好，又有埋啲 Keyboard 快捷鍵比用户根據愛好去調節，其實都好方便；但奈何用得耐對手都有會啲唔舒服。如果你有長時間而又專業用途既話，不妨睇下 Palette 會唔會用得舒服啲！
係 Kickstarter 集資超過 15 萬美元既 Palette 已經有兩年啦，而剛剛新推出左既模塊化組件控制面板，可以通過滑標﹑轉盤同埋按鈕設定好每個組件既快捷鍵，然後就可以用實際組件既扭動去改變數據值，比起睇住個屏幕既數字黎講，調整會較精準。例如：當你設定好一個轉盤係 Lightroom 既對比度，每次打開 Lightroom 執相就可以扭動佢黎做調整。而且模塊既好處在於你可以決定佢既功能同佈局，靈活性相對大增。而且用户亦唔需要擔心兼容性既問題，當中包括 Adobe 的大部分應用程式如 Indesign﹑ Illustrator﹑ Photoshop﹑ Premiere Pro 等。
有興趣既讀者，今日起已經可以係佢既官網上預購 Palette ，當中有唔同既套餐包括入門版為 US $199 (約 $1543) ，當中包括 5 個模組；而最貴最頂級的就是限量木製專業版，價錢為 US $899 (約 $6971) ，而且除左套裝外各個模組亦都可以單獨購買，預購後最快就會係今年十一月出貨。
來源： PetaPixel
