之前曾經為大家報導過，Moto G（2015）呢部第三代機款的流出規格，以及首兩張渲染圖，令大家對呢部入門機十分期待。今日外媒就流出更多此機的渲染圖，如果屬實，從相片可見 Moto G（2015）採用純白設計，加上靚仔外型，令人期待度直線上升哩！
從上面的圖片可見，Moto G（2015）採用全白色設計，無論機面熒幕邊框、機背及機側都係白、銀配，真係幾靚。另外，機背採用少許弧形設計，與上代分別不大，拿係手上手感預計應該唔錯。
至於之前傳出的規格，Moto G（2015）預計會採用 Qualcomm Snapdragon 410 64-bit 或更新款的同級處理器（上代採用 400 處理器）、1GB RAM、8GB 內置儲存空間、5 吋 720p 熒幕及 1,300 萬像素鏡頭。究竟是否屬實？相信今年年底，大家就會知道了。另外如果 Moto G（2015）真係採用呢種設計，大家會心動想買番部做 2nd phone 嗎？
來源：nowhereelse
