一年一度既書展聽日就開幕啦！今年書展將以「從香港閱讀世界‧一讀鍾情 」為主題，由 7月 15 號開始到 21號，一連 6日係香港會議展覽中心舉行。除左匯聚來自世界各地逾 580個參展商攤位外，更有逾600場文化活動，包括名家分享會及主題講座等，讓本地讀者感受多元化的閱讀氛圍。想去買平書既朋友就要睇下小編既攻略啦！
同住年一樣，書展設有早鳥優惠，只要係中午 12點前入場，成人票價就由港幤 $25 減到 港幣$10。另外，如果想日日去都得，係 6月17日至 7月14日購買港幣$80 既超級書迷證 (銷售點：按此瀏覽)，就可以於整個書展期內享受無限次進出會場，仲可使用特別通道進場，節省輪侯時間。
只要以正價 (成人$25、小童$10) 購買 7月15或 16日既飛，憑完整票尾就可以係 7月17、18 或 19日(星期五、六、日) 晚上 7時後免費進場一次。如果想買平書的話，可以第一日去視察左環境先，睇岩咩書想買，第二次先再去掃平貸。
每年書展既雜誌贈品同限量寫真都係搶手貨，如果想快一人步買到心頭好，可以帶個小朋友入場，先由港灣道入口處既左側兒童天地特別通道入去展覽廳 3，避開輪候入場長龍。
雖然話信用卡交易好普遍，但書展場內的攤位規模不一，唔少小型參展商只接受現金交易，特別係想買 $10/ $20 本既特價書，唔想揀左書又買唔到，最好就去定 ATM 機提款，仲要避免係 $1000/$500 既大紙呀。
臨完場有大減價是常識吧！根據以住經驗，最後一晚既書價都會比其他日子平 10至 30%，特別係非本地既參展商，例如來自內地、台灣等，割價既幅度通常更大，甚至會有「$100一袋書」既大優惠，所以要執到平貨最好就事先睇定各展區分布圖 ，諗定條掃貨路線啦。
今年既優惠劵有兩種，一種係購物 HK$5 優惠卷，要係場內指定派發處先拎到，只要係貼有 $5優惠標誌既攤位買滿 $50 或以上就用得。而另一種係電子優惠劵，去之前記得上書展網站 ，印定 D 現金券同折扣優惠以備不時之需。
入得書展，通常都唔止買一本書咁少。但大家要記得帶定購買袋呀！你知啦，4月份開始已經實施全面膠袋徵費，每個膠袋要 $0.5架嘛！所以最好帶定 D 環保袋、背包去。如果買得太多可以去貿發局香港設計廊攤位 (展覽廳3F-G) 買番架可揹可拉的手拉車。今年用完，留番下次用都得。
如果連手拉車都唔夠裝，可選擇到 G107室，由 DHL 提供既書籍速遞服務書籍速遞服務，直接將書送番屋企。
今年書展同樣會係 17及18日 (星期五及六)開放至午夜12:00，行到夜唔都唔一定要搭的士。巴士公司將由晚上 10:00起開辦特別巴士服務，直接由會展新翼博覽道入口，經紅磡海底隧道前往美孚 (105R號) 及觀塘(111R號)。而渡海小輪來往灣仔及尖沙嘴航線亦會於 17及18日晚上8:00 到 11:30，增加班次至每8-12分鐘一班。
係會場唔同既角落，包括展覽廳 1A、3B、3F、3G 及大會堂前廳都設有香港書展紀念印蓋印處。只要集齊 5款紀念印，連同書展門票，就可到大會堂前廳既抽獎劵換領處(攤位GH-F04-A19側) 換取抽奬券。幸運大抽獎既禮物相當豐富，包括 iPad Air 2 、年度作家李歐梵教授的作品、精美手拉車及香港書展紀念封等。抽到既話隨時係回晒本呢！
資料來源：hkbookfair.hktdc
