呢個星期又落雨，唔知去邊好？不如去下屋企附近既市集行下啦！今日小編推介 3個分別係屯門、大圍同觀塘既市集，有專係食既，亦有專交換手作既，總有一個適合你。
單睇 H.A.N.D.S 呢個商場名你可能唔知係邊度，就連由細係屯門長大既小編都唔知道。原來 H.A.N.D.S係安定商場同友愛商場合併而成既。「H.A.N.D.S滋味市集」，引進 10大潮流必吃創意美食，包括韓式 U型粟米筒雪糕、手工鮮果雪條、長洲韓式焦糖餅、手調 Mocktail 等，讓大家一次過即場品嚐。同場亦有精彩表演同手創禮物。唔想去咁遠既屯門友可以去望下。
日期：2015年7月19日 ‑ 8月9日 (逢星期日,六) 下午1時 ‑ 6時
地點：屯門 H.A.N.D.S 》香港屯門屯門鄉事會路2A號
覺得屯門太遠，新界東既朋友可以去大圍既「手作換物市集」。故名思義市集內既物品唔可以直接買到，係需要以同手工藝品，復古小物，雜貨有關的物品交換，例如: 手作材料、手工藝書、手作製成品、手作雜貨、印章、印台、紙膠帶、貼紙、古著等等。係幫舊物尋找新主人的同時， 亦可以促進人與人之間既交流，透過換物過程中互相交換「小故事」，確認物件存在的意義及其價值。
日期：2015年7月18日 ‑ 19日 (每日) 下午1時 ‑ 7時
地點：沙田大圍成全工業大廈 2樓206室 》香港大圍成運路25號-27號
「apm週末創意市」都搞左幾次，今次會有超過40多檔至潮創意手作、包括生活百貨、DIY品味首飾、型格皮革用品、創意精品、美味小食等，並設有遊戲天地，集合藝術、創意文化、潮流元素於一身。住九龍區又想去市集行下既，可以考慮下啊！
日期：2015年6月20日 ‑ 21日 (每日), 2015年7月18日 ‑ 19日 (每日) 下午1時 ‑ 10時
地點：apm L7 》香港觀塘觀塘道418號
資料來源：timable
