眾所周知，OnePlus 將會係 7 月 28 日發佈新一代的手機 OnePlus 2，近日亦愈來愈多有關此手機的傳聞流出。今日外國網購網站 Oppomart 更流出疑似係此機最終規格的資料，如果屬實，唔知大家又滿唔滿意呢？
根據該網站表示，OnePlus 2 將內預載 Qualcomm Snapdragon 810 v2.1 處理器，亦即係已解決過熱問題的版面。此外 OnePlus 2 亦會內建 4GB RAM，預計應係早前該品牌流出會採用的 4GB LPDDR4 RAM，應對手機順暢度及 multi-tasking 效能上有很大幫助。
另外，大家亦唔洗擔心了，之前傳出 OnePlus 2 只會採用 1080p 熒幕，但最新資料指它會採用 5.5 吋 2,056 x 1,440 解像度 2K 熒幕，而點距將達 515ppi（但怪怪的，因為而家一般 2K 熒幕的手機都係採用 2,560 x 1,440 解像度，莫非資料輸入錯誤？）。此外，它除了會支援指紋辨識功能外，仲會支援雙卡雙待功能，亦會內建 3,300mAh Li-Po 電池，不過係內置式，與上代一樣。至於儲存空間方面，坊間傳聞會與上代一樣，提供 16GB 及 64GB 版本，亦同樣唔可以插卡，不過會提供更快的 eMMC 5.0 版本，預計傳輸速度會大家加快。但 OnePlus 會否提供更大容量，例如：128GB 版本？暫時仍是個謎。
還值得留意的是，它採用的鏡頭是 1,600 萬像素 Sony Exmor IMX234 感光元件相機，據小編收到的消息指，採用此鏡頭的 OnePlus 2，影相效果十分漂亮，甚至可媲美 iPhone 6 Plus！究竟是否屬實，相信要等真機發佈先知道了。至於前置鏡頭方面，就會採用 500 萬像素。
至於售價方面，Oppomart 亦流出了是 US$499（約 HK$3,867），好抵玩哦！此外，小編亦收到消息：OnePlus 2 除了早前傳出的金屬及塑膠外殼版本外（因為傳聞唔會只出一部機款，預計最少有 2 至 3 款不同設計的機款供用家選購），還有機會推出其他材質的機殼！其實早前 OnePlus One 已推出過竹殼供用家替換，預計 OnePlus 2 應該都會有；另外還有傳會用從未用過的材料，莫非係 LG G4 都有用的人手打磨真皮機殼？如果係，咁鍾意「皮」氣的用家，除 G4 外又會多部選擇啦！不過有傳 OnePlus 唔會係推出初期就推出這些機殼，應該會一段時間後才考慮推出，相信大家就要等等了。
來源：Oppomart
涉新一輪 5G 技術專利爭議 OnePlus 再被德國法院禁售
