Huawei 發佈全新 MediaPad x2，雖則它是一台 7 吋平板手機，但規格不弱，支援中港台網絡制式，而且售價比之前 P8 Max 更便宜，不知實際用起來會如何呢？
7 吋平板一般人印象都係「大部」，更莫講話當手機用。不過，這次試玩的 MediaPad X2 體積上有點驚喜，因為驟眼睇完全唔似 7 吋平板，而數據上亦只係比 Z Ultra 及 P8 Max 大部少少，分別主要係 16:10 屏幕比例令機身較闊，操作肯定須雙手使用，但拿起重量還好（239g），而最重要係前褲袋都仲擺得落，如果你鍾情於 Z Ultra 這類「大芒」其實都幾吸引。設計方面，佢唔似 P8 Max 成塊金屬磚咁，但機背主要都係金屬製，顏色依舊「土豪金」，感覺其實同 Mate 7 有點似。
▲ 雖配備 7 吋屏幕，但實際體積似 6 吋多的手機。
▲ 機背都係金屬機背，但設計就有 Mate 7 風格。
▲MediaPad X2 就咁用來講電話 ，Size 算係可接受上限。
▲機身按鈕及卡槽都集中在右側。
▲ 小編 當日穿了短褲，把 MediaPad x2 放在前袋都算輕鬆。
MediaPad X2 雖則係平板系列，但佢規格一啲都唔「雞肋」。機內配備 Kirin 930 八核處理器、3GB RAM 及 32GB 儲存空間，規格其實跟 P8 一樣，而 Antutu 成績亦錄得約 50,000 分，當然近排大家都擔心「發熱」問題，小編 找來「測溫槍」量度 MediaPad x2 發現負載時錄得32.3 度，同閒置時比升了 5 度，感覺只係微微暖。
▲ 搭載 Kirin 930 八核處理器，於 Antutu 可錄得約 50,000 分，成績同旗艦機種唔差得遠。
▲ 配備 3GB RAM 實際閒置時約有 1.7-1.8GB Free RAM。
▲ 32GB 儲存空間實際可用有 24GB 左右。
▲ 7 吋 1,920 x 1,200 LTPS 屏幕，顏色感覺微偏藍，感覺都算自然。
▲ 屏幕色溫可自行調較。
▲ 7 吋屏幕睇片效果「冇得彈」，而喇叭雖設在機背，但音量都算足夠。
▲ 用「測溫槍」可量度預載時機身溫度會升至 32.3 度。此外，佢同一般手機唔同係發熱點位於機背右下方。
▲ 內建 5,000mAh 特大容量電池，而輸入大約錄得 1.5A，要充滿都要花一定時間。
▲ 拍攝介面跟之前 P8 差唔到，重點係提供「光繪」的慢快門模式。
▲ 1,300 萬像素主鏡頭，規格跟 P8 不同，所以相片質素亦只係普通，放大會見到少少「油畫」，但情況算可接受。評級屬「純網上分享」。
【評測】Huawei MatePad Pro 12.2 開箱評測 機身輕薄外攜方便 + 流金絲帛配色高貴典雅 + 雙層 OLED PaperMatte 熒幕體驗超佳 + 星躍鍵盤實用兼好用 【評測】Huawei MatePad 12 X 開箱評測 淺綠用色清新 + 輕薄設計方便外攜 + PaperMatte 熒幕表現出色 + 電量夠「長氣」 + 體驗佳電子畫板 + 可變身迷你筆電 【評測】Huawei WATCH GT 5 Pro 開箱評測 外觀高貴漂亮 + 功能極齊全 + 高爾夫模式專為愛好者訂制 + 情緒管理精準好用 + 電量超長氣可一周一充
MediaPad X2 另一賣點係擁有超強網絡支援，除了雙卡雙待雙通，更重要係支援中港台的網絡制式，包括 FDD （700/900/1800/2100/2600）、TDD（1900/2300/2500/2600）及中國 TDS-CDMA 3G 制式等，而且兩個卡槽都支援 4G，並相軟件就可選取主 SIM 卡。不過，佢缺點係第 2 張 SIM 槽跟 MicroSD 共享，換言之插 MicroSD 就冇雙卡，幸好佢內建 32GB 儲存空間，唔插卡都夠用一段時間。
▲ 2 個卡槽都支援 4G，因此可在軟件介面上選擇主 SIM 卡。
▲ 第 2 個 SIM 卡槽是跟 MicroSD 共享。
之前 Huawei 發佈 P8 Max 小編 說過它才是焦點，因為「大芒」機選擇真係唔多（如果唔係條街就唔會仲見到 Z Ultra 吧！），可惜香港遲遲都未推出，水貨亦炒至天價。至於這部 MediaPad X2 雖然比 P8 Max 再大部少少，但重點係更平，而且規格維持在 P8 / P8 Max 水平，因此鍾意「大芒」其實都玩得過，特別係之前考慮過 Mate 7 的用家。
售價：$3,280
查詢：Huawei（3791 2856）
【評測】Huawei MatePad Pro 12.2 開箱評測 機身輕薄外攜方便 + 流金絲帛配色高貴典雅 + 雙層 OLED PaperMatte 熒幕體驗超佳 + 星躍鍵盤實用兼好用 【評測】Huawei MatePad 12 X 開箱評測 淺綠用色清新 + 輕薄設計方便外攜 + PaperMatte 熒幕表現出色 + 電量夠「長氣」 + 體驗佳電子畫板 + 可變身迷你筆電 【評測】Huawei WATCH GT 5 Pro 開箱評測 外觀高貴漂亮 + 功能極齊全 + 高爾夫模式專為愛好者訂制 + 情緒管理精準好用 + 電量超長氣可一周一充
