你地自己創業開公司的原因之中，有冇一個係同你舊老細有關呢？創業的意思，係咪就係自己做老細咁簡單？小編同啲創業的朋友傾過，佢地講過一句：「我唔單止要做老闆，我仲要做 Leader（領導者）」。
係呀，一個 Leader 可以係一個老闆，但老闆唔一定係 Leader 架，雖然佢哋好似好相似，但作為打工仔的小編就深深感受到當中的不同喇！以下有幾個老細同 Leader 的不同之處，都幾中架，創業中的你或打緊工的你也不妨看看，睇下想成為邊種人？
▲老闆：權勢 VS 領導者：會令你心甘命抵。
▲老闆：催谷 VS 領導者：引領。
▲老闆：有冇搞錯呀？！ VS 領導者：等我睇過～
▲老闆：This is an order！ VS 領導者：喂～個邊搞成點呀？使唔使幫手？
▲老闆：你地幫我死掂佢呀！ VS 領導者：呢樣你擅長啲，今次你負責啦！
▲老闆：日日戰戰競競，活於恐懼當中 VS 領導者：對工作產生熱情，自動波工作。
▲老闆：要不是有我？ VS 領導者：多得大家 / 某某的努力！
▲老闆：係呀係呀，係我呀！ VS 領導者：係呀，我條 team 一齊搞架！
小編都曾經有過 boss 同 leader 做上司，明顯體驗到兩者之別，感受到免於恐懼的自由的重要性。創緊業或打緊工嘅你，想向邊條路走呢？
圖片來源：WittyFeed
unwire.hk 作為生活科技網站，一直有報道科技生活之餘，亦有採訪科技創新企業，試透過我們的綿力推動一下香港創業文化的發展，因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導，Co-working space 結合新媒體宣傳力就是我們與眾不同的 unwire.space 了
