呢幾日一直傳 Motorola 將會推出新手機，傳得最衡肯定係 Moto G 2015。但昨晚 Motorola 就來個終極「哂冷」，一次過推出 3 部手機：Moto X Style、Moto X Play 及 Moto G 2015，而且部部都係玩色，繽紛奪目！
首先出場的是 Moto X 系列，以往 Moto X 系列每年只出一機，但今年 Motorola 就學足對手，一來就兩部：分別係 Moto X Style 及 Moto X Play。兩部機有咩分別？大抵是 Moto X Style 屬於旗艦機，而 Moto X Play 就屬於中階機，前者採用較大較高像素的 5.7 吋 QHD 熒幕，其他規格亦較強，包括：採用 Qualcomm Snapdragon 808 1.8GHz 六核心處理器、3GB RAM 及 16GB / 32GB / 64GB 內置容量，亦擁有 IP52 防塵功能（防水功能只得 IPX2 就算了罷……）；而後者就採用 5.5 吋 1080p 熒幕，其他規格亦相對較弱，包括：採用 Qualcomm Snapdragon 615 1.7GHz 八核心處理器、2GB RAM 及 16GB / 32GB 內置儲存空間。
不過其他規格就大致相同，兩機均採用 2,100 萬像素 F/2.0 主鏡頭、500 萬像素前置鏡頭及均支援最高 128GB microSD 記憶卡擴充儲存空間，但要留意，Style 可最高拍攝 4K 影片，而 Play 就最高只能拍攝 1080p 影片。至於作業系統方面，兩機均會預載 Android 5.1.1 Lollipop。不過電量方面就有點奇怪：旗艦的 Moto X Style 只有 3,000mAh 容量電池（據官方指可使用 30 小時），反而中階的 Moto X Play 卻有高達 3,630mAh 容量電池（官方稱可使用足足兩日）？？
至於推出日期方面，Moto X Play 及 Moto X Style 分別會在八月及九月正式發售，不過要留意的是只有後者會在美國發售。售價方面，暫時官方未有消息，但有消息指 Play 會比現時的 Moto X 旗艦機便宜 US$300 至 US$400 左右，故應該是約為 US$350 左右（約 HK$2,730）；而 Style 就會比旗艦便宜 US$200 至 US$300 左右，換言之估計應是 US$450 左右（約 HK$3,510），似乎相當超值哩！
▲在 Motorola 的 Moto X Play 官方相片中，見到兩張 SIM 卡，莫非支援雙卡雙待？
▲機身設計看來以簡約為主。
▲不過都有唔少顏色殼比大家選擇，筆者就比較鐘意藍色啦！而女仔仲有粉紅色揀添！
▲至於 Moto X Style 就比較似 Nexus 6（除了鏡頭位），走旗艦路線設計。
▲一樣有唔同顏色、甚至物料的機背殼俾大家揀，筆者驟眼睇就已經有木材同埋皮革勒！
最後俾個 Moto X Play 同埋 Moto X Style 與時下其他手機的規格表俾大家參考一下（按圖可放大）：
至於第 3 部新機，就是之前傳聞已久的 Moto G 第三代（2015 版本）。眾所周知 Moto G 系列一向主攻入門機種，今次亦不例外，只是以 US$179 起（約 HK$1,396），十分親民！但規格上卻毫不失禮，它首次加入防水功能，而且比中階的 Moto X Play 更堅，擁有 IPX7 級數，即是可供用家在 1 米以內水深使用最多 30 分鐘！其他規格方面，包括：Qualcomm Snapdragon 410 1.4GHz 處理器、1GB / 2GB RAM、8GB / 16GB 內置儲存空間、1,300 萬像素 F/2.0 主鏡頭及 500 萬像素前置鏡頭，而熒幕亦有 5 吋 720p 解像度，作業系統同樣會預載 Android 5.1.1 Lollipop，一啲都唔失禮呀！唔知大家又會唔會心動呢？如果心動大家睇來唔洗等太耐啦，因為美國已宣佈即時發售，希望香港代理唔好令香港嘅 Moto 粉絲等太久吧！
▲其實筆者最心動反而係 Moto G 3rd Gen.（2015），因為千中唔洗嘅售價已經有部防水機，仲想點？
▲感覺就似 Moto X Style 的縮細版，外貌一啲都唔失禮！
▲同之前幾代一樣，一樣有唔同顏色機殼俾用家揀來用，今次仲連機背鏡頭位附近的位置都可以換色，好體貼哦！
來源：Motorola Blog
