Samsung 早已宣佈會係 8 月 13 日於紐約舉行發佈會，預計屆時的主角之一，幾乎肯定會是近期傳聞多多的 Samsung Galaxy S6 edge+。呢部雙曲芒「巨無霸」今日又有新料爆，最新消息指 S6 edge+ 的售價，最平版本 32GB 為 799.99 歐元（約 HK$6,824），相比 S6 edge 32GB 的外國售價 849.99 歐元（約 HK$7,250）仲要平！
咁就奇怪勒！一般廠商推出新機款，尤其是比系列中舊機款擁有較大熒幕，通常都會定更高售價；但今次 S6 edge+ 竟然反其道而行，反而減價，實在出人意料。Samsung 就表示希望藉減價令產品銷售強勢延續，如果按此推斷，S6 edge 32GB 版本當初在香港推出時售價為 $6,598，那會不會 S6 edge+ 在香港推出時，定價低於 $6,000？按此走勢，就算未必低於，也必定十分接近（$6,098 / $6,198？）。另外亦有消息指，Samsung 亦會在 S6 edge+ 推出時，同時為 S6 edge 減價，減幅大約為 100 元歐羅（約 HK$853），換言之如果大家打算入手 S6 edge 但仍心思思，睇來多等一陣真係會平幾舊喎！當然，這只是 Samsung 在歐美地區的做法，Samsung 香港未必會跟隨，但作為精打細算的消費者，相信都希望 Samsung「皇恩浩蕩」減減價益下街坊吧？
來源：Sammobile
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
