暑假，除左係去 Grad Trip 的好時候，亦都係搵工的黃金期。想當年，小編都係呢段時間搵工的（望遠處）… 當年小編係完全冇 Startup 呢個概念，只係大公司同細公司之間掙扎，最後我揀左中型公司，哈哈哈！而家創業的風氣成行成市，個個開口埋口都話要自己「創業」，形成「搶人潮」！小編知道唔少 Startup 對於叻靚醒的朋友非常渴求，但偏偏佢地通常都會揀大公司做。為左幫 Startup 的朋友們 招親 招兵買馬，小編就幫下各位畢業生做一個小小的比較，睇睇大家的 擇偶 條件，撮合撮合一下。
唔知大家對 Startup 有咩印象呢？彈性上班時間？好多零食？有機打？定係可以養貓？ NONONO，我地今日唔講呢啲。我地講啲深入同長遠少少Startup 同大公司有咩分別，例如關於你的 Career Path、所得到的資源、對你的影響、工作的環境及氣氛等等。
Startup 的透明度一般都比大公司高，首先因為 Startup 架構較簡單，消息很容易傳遍公司；另外，大至公司的發展方向，小至日常的辦公室瑣事，在 Startup 入面，你都可以有 say，不像大公司一樣要多枝筆都可能要入紙申請。所以在 Startup 中，你很快就會參與決策，而在大公司，比較著重你的執行能力。
在 Startup 入面，因為團隊較小，你要做的工作一定多於 Job Description 上面寫的；而在大公司，因為架構分明，分工清楚仔細，若多做了甚至會被說越權！所以在 Startup 工作，你會學識互相補位，也不局限於自己的位置，靈活性也較高，責任也愈大；而在大公司，你就能較專注完成工作，不易被影響分心。
不難想像在 Startup 工作壓力相當大，因為每個人的角色都很重要，整個產品的質量也看團隊的付出。但你千萬不要以為彈性上班時間就會令工時變短，其實可能更長！因為如果你夠上心的話，會時時覆著 Email，看著進度，想著新 idea！
前幾篇 Tips 不斷有提大家，創業是九死一生的賭注，要碰很多釘，撞很多板來成長、來學習。但大公司就不同了，他們有很多專家，亦會提供捷徑助你繞過那些跌碰的過程。因為他們有人手有歷史，而且都是訓練有素的，如果碰巧那款 skillset 是你想要的，就最好不過了！
在 Startup 入面，無論你做得好定唔好，上司或同伴都很容易察覺到，因為你的表現能夠直接影響成效；相反在大公司，你只係一粒小螺絲，冇乜人會為意你做成點，除非你做得特別好或特別衰，就會有人搵你傾計啦。
在 Startup，機會多的是，視乎你點掌握它們，而且機會若掌握得好，除了令公司向好發展，亦令你更有 Bargaining Power，對於未來的個人發展也百利而無一害。而正如前面提及，大公司的分工非常清楚，你要做的就是範圍內的工作，機會相對上較少，但只要在專業上浸淫一段長時間，你就能變成專家。
還在早段的 Startup 可能只能給你基本起薪點，甚至還會低於市場，而且還要承受「執笠」風險；不過如果你在 Startup 內有突出表現，老闆隨時會向員工分股份、花紅，萬一有一日公司一炮而紅股價暴升，又或者被人高價收購，如果老闆心地好，隨時會向員工分大額花紅，或者手擁股票價值直線暴升，咁就發達了！至於大公司因為資產多，人手多，而且基於 Economy of Scale，他們給你的薪水及福利，也是較穩定可觀；不過大公司一般已步入發展極穩定期，而且人手架層疊屋，要升職？加薪？或者分大額花紅？唔係無機會，不過嘛……你懂的！
做 Startup 還是去大公司工作，其實就看你想從中得到的什麼！你選定了嗎？
來源：Entrepreneurial Insights / The Muse
甚麼是 unwire.space ?
unwire.hk 作為生活科技網站，一直有報道科技生活之餘，亦有採訪科技創新企業，試透過我們的綿力推動一下香港創業文化的發展，因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導，Co-working space 結合新媒體宣傳力就是我們與眾不同的 unwire.space 了
