啱啱係星期日發佈嘅「Accomplish: To-Do list reborn」，三日不到就已經有近一萬下載量，而佢能夠清晰以唔同顏色既 to-do bar 呈現係日程表上，筆者都非常鍾意（Bye Bye Wunderlist）。原來 APP 背後嘅開發者，竟然只係一位來自以色列嘅 17 歲青年！真係天才呀！
Accomplish 讓用户可以記低所有任務並將佢地添加到你個人既日曆上，非常直觀易用。一旦列好個待辦列表，就可以拉動 to-do 事項放係指定嘅時間軸上，你亦可以調整返大小黎決定你想花幾多時間或日子去完成 to-do 事項。
仲有一個係右邊嘅小標籤，用户可以拉動以設置提示。除此之外，用户仲可以將 Accomplish 同 Google Calendar 同步，咁就隨時係兩邊都睇得到啦。
呢個設計可以一氣呵成咁寫好晒諗到嘅 to-do list ，然後將佢地分配到每個指定日子，令日程安排上更方便更整齊。而更正嘅係，成個 app 都係免費使用，不過如果要解鎖更多配色方案就需要支付 $1 美元，而呢個可以透過 IAP（In-App Purchase）購買。如果大家覺得好用嘅話，不妨升級享用更多配色之餘，又可以支持一下年輕開發者，一舉兩得！
Accomplish ：網站 | Play Store (Android)
