唔知大家有冇聽過近年好流行嘅一種運動，結合了高強度間歇訓練（HIIT）及以自身健重為阻力的交叉訓練？筆者就試過一次，雖然係好辛苦，但比一般運動有效得多！呢種係外國流傳來香港的訓練方式，絕對適合唔夠時間運動嘅都市人。最近 Jabra 就推出了專為呢種運動而設的耳機 Sport Coach Wireless 藍牙運動耳機，等大家可以聽住靚歌，努力踢走脂肪！以下有更多資料：
其實 HIIT 最好嘅地方，就係可以令大家係更短時間達到最大成效，所以美國運動醫學會的健身專家將 HIIT 定為 2015 年的首要運動趨勢。而今次 Jabra 推出的 Sport Coach Wireless 藍牙運動耳機就專為交叉訓練及 HIIT 而設，因此佢有多達 40 種訓練項目，等用家可以為自己度身訂造適合自己的專屬訓練。而且採用呢啲訓練項目，耳機會以語音指導用家進行跨步、深蹲、撐體、蹲舉等動作，猶如有位健身教練時刻係身邊指導運動細節，咁大家就唔洗擔心自己一個人做會做錯姿勢，又唔洗擔心要去到 gym 房先可以有教練指導咁唔夠彈性啦。
Jabra Sport Coach Wireless 藍牙運動耳機既然為愛好運動的人而設，耳機自然經過特別設計，唔止支援 IP55 的美國軍方標準防汗、防震及防塵規格，機身更輕盈又幾貼耳，就算運動幾個鐘全程戴足，都唔會覺得重或者耳仔痛。此外，耳機更內建 Track-Fit 動作感應器，會紀錄用家的速度、距離、步數、節奏及燃燒咗幾多卡路里，可以幫助用家追蹤及評估運動成效，令大家更容易達到訓練目的。
此外，Jabra 亦特地推出了專屬的應用程式 Jabra Sport Life，用家不但可以用佢規劃訓練進程、紀錄進度及評估體能，更可讓用家自行選擇訓練係按時間定係以循環訓練設定。如果係前者，當時間一到，耳機的語音指導會提示用家進行下一個訓練項目；而後者的話，只有係用家完成訓練項目後輕按耳機，語音指導先會進入下一個訓練項目。兩種設定，令用家係運動時更具彈性，可以按需要選擇合適自己的運動模式。而且最重要嘅係，成個運動過程大家都唔洗拿起手機，咁就唔洗驚被汗水整到「濕笛笛」的雙手整壞手機啦。
運動個時，雖然大家都會盡力去做，但去到某啲 moment，都可能會覺得好累好想放棄。所以雖然 Jabra Sport Coach Wireless 是以運動功能著稱，但始終都係一隻藍牙耳機，係音色上都算唔錯，佢支援 Dolby 音效技術，可有效提升音樂聲效質素。係累的時候，用佢 play 番首 Power Song 打打氣，肯定即刻精神百倍，再累都可以再次提起精神，繼續操落去！
售價：$1,199
查詢：Innovix Distribution（2565 1682）
