今年舉辦第七年嘅 Canon 攝影馬拉松，將會定係 11 月 22 日繼續於香港會議展覽中心舉行，由即日起已經開始接受報名，直至到 8 月 17 日。有興趣嘅讀者們就記得快手去報名，今次一樣係以抽籤形式抽選出參賽者架！
過去每年都有大量攝影愛好者想參加，所以由最初 300 人增加到第 6 年嘅 2,400 人，今年更進一步，參賽人數增至 2,600 人，依舊分開公開組同挑戰組：挑戰組的參賽費用為 $250 ，有 3 個指定拍攝主題，每個主題交 1 張相以及要係指定時間內去 2 個 checkpoint ；而公開組則有 2 個主題，仍然每個主題交 1 張相但只需去 1 個 checkpoint。
今次攝影馬拉松同往年一樣，所有參賽者繳交嘅費用都將會不扣除任何行政費用全數捐比聖雅各福群會，藉此支持文化保育同社區發展任務。而今年新加入一項有趣既現場活動：「 Tesla 攝獵同行」， Tesla 將會係比賽當日係挑戰組同公開組各抽出一位幸運兒，每位幸運兒更可邀請最多兩位參賽朋友由 Model S 電動房車接送，全日就可以輕鬆作賽。
有意報名參加既讀者，就可以前往以下網址：
https://photomarathon.hkcanon.com/
至於更多關於 Canon 攝影馬拉松 2015 既詳情，就記得要留意返佳能攝影馬拉松香港 Facebook：
https://www.facebook.com/CPM.HongKong 。
今次 Canon 攝影馬拉松更會請來「攝獵舞團」，將會係今個星期六﹑日係西貢﹑中環迎海濱﹑PMQ 元創坊﹑赤柱以及銅鑼灣係街頭以快閃街舞方式宣傳，歡迎任何人即場報名參賽之餘更可用道具影相，而星期六下午 4 點到 6 點係 PMQ 元創坊更有免費嘅即拍即印，記得唔好錯過啦！
