今時今日乜都要新潮：裝扮要新潮、gadget 要新潮、就連俾錢同購物都要潮過人！咁俾錢、購物點先叫潮？好簡單！唔洗下下帶住成堆神沙同埋紙幣，「嘟」一聲就俾到錢，先叫潮。最近 HKT 就推出了最新的手機付款服務 Tap & Go 拍住賞服務，就可以俾大家潮住俾錢！究竟用落係點？日常生活又點樣「Tap & Go 拍住賞」？就等 Edward 同大家介紹一下啦。
今次 HKT 推出的 Tap & Go 拍住賞服務，可以講係付款新潮流。唔止係設有 MasterCard® PayPass™ 服務的店舖可以用得到，就連上網購買都一樣用得著。只要是1O1O 或 csl 客戶，可到門市 (1O1O 客戶請到 1O1O 門市，csl 客戶請到 csl 或 HKT 門市) 免費換上一張支援 Tap & Go 拍住賞功能的 SIM 卡，然後配以一部指定的 NFC 功能智能手機，最後下載 Tap & Go 拍住賞程式及增值，就可以用得到。
NFC 手機支援列表:
http://e.hkcsl.com/TapnGo-device
▲當大家換了一張支援 Tap & Go 拍住賞的 SIM 卡，並確保自己的手機支援 NFC功能就可以了。最後下載好 Tap & Go 拍住賞 APP 即可使用這項潮爆付款服務。
▲大家見到這個畫面，就代表 Tap & Go 拍住賞功能已經啟動成功，可以用得了！
既然 Tap & Go 拍住賞功能咁潮，咁係生活上有咩情況下可以用得著？以下就等 Edward 為大家介紹 3 個主要用途啦！
平時去 shopping，尤其係買好多嘢個時，俾錢個陣要拿銀包出來拿錢，萬一唔夠現金真係好麻煩。即使係用 EPS 或者信用卡，要入密碼或者簽名，一樣係咁麻煩。但只要用 Tap & Go 拍住賞，只要拿部手機出來就俾到錢，連手機屏幕都唔洗開，真係超簡單方便！而家就同大家介紹下點樣做啦。
▲而家就以 759 阿信屋購物來做個例子。
▲設定好隻 APP，當出現呢個畫面就 OK 了。
▲進入「設定」，make sure「付款設定」內的「隨時付款」功能已開啟。另外，都要記住開啟 NFC 功能！
▲然後當付款程序可以開始時，就算手機關上屏幕都可以進入付款。
▲然後讀取器會出現「Authorising」，即是正在進行付款授權。當字眼轉變為「Approved」就代表付款完成！
▲完成付款，會收到 SMS 提示，通知交易金額及地點。然後大家就可以拿住購買了的東西滿載而歸啦！
相信唔少工作忙碌的香港家庭，都會請番個工人幫忙做家務及照顧家中老人家及小朋友。作為主人，自然會俾低錢俾工人去買餸同購買屋企的日用品。俾 cash 當然都方便，但一時忘記去銀行襟錢就麻煩了。Tap & Go 拍住賞另一項好方便的功能，就係可以遙距轉賬到另一位 Tap & Go 拍住賞用家的戶口，咁只要幫工人換張支援 Tap & Go 拍住賞的 SIM 卡，第日俾「家用」就可以唔洗俾 cash，遙距轉賬就得，工人去到超級市場俾錢個時都方便好多啦！以下就同大家介紹一下點做啦。
▲首先進入 Tap & Go 拍住賞 APP，然後進入「拍還拍」功能。
▲然後點按「遙距轉賬」。
▲然後從聯絡人清單中選擇希望轉賬到的人，而家就選擇「Mary 工人」。
▲再輸入金額，之後按「繼續」。
▲之後會出現此畫面，確認無問題後，將有 $ 圖示的圓形圖案拉向右方。
▲轉賬完成！
▲工人姐姐此時亦會收到 SMS 短訊，被通知已過數，可以去買嘢啦！
最近暑假，連場猛片上映，相信都有唔少人會約埋三五知己一齊去戲院睇戲。要買番幾個好位，等成班朋友可以坐埋一齊睇，點都要有一位朋友「抵得諗」願意先去買定飛。好啦，問題來了！臨入戲院之前朋友終於到曬，問他們拿番錢，個個都俾十蚊、廿蚊紙，塞到成個銀包滿一滿，有時真係幾無奈！但只要善用 Tap & Go 拍住賞的「拍還拍」功能，只要將手機背對背拍一下，就可以即時過到數，就算入到戲院坐低咗，都可以短時間內完成還錢過程，「抵得諗」朋友又唔驚收到成堆神沙同埋十蚊廿蚊，方便好多！以下就等筆者同大家講講點做啦。
▲付款的一方，首先進入 Tap & Go 拍住賞 APP，再進入「拍還拍」功能，然後選擇「即拍即付」。
▲然後就輸入戲飛金額，之後點按「繼續」。
▲之後就會出現要求與另一個用家的手機輕拍的指示。
▲至於收款的一方，就選擇「即拍即收」。
▲之後同樣會出現要求輕拍對方手機的指示。
▲此時確保雙方手機的 NFC 功能已開啟，然後像上圖般輕拍兩部手機的機背。
▲等一會兒，轉賬就完成啦！
▲收款一方此時會收到 SMS 訊息確認，通知款項已轉入自己戶口；而付款一方亦可以透過 Tap & Go 拍住賞 APP 內的「交易紀錄」查閱該筆轉賬。
Tap & Go 拍住賞係咪好好用呢？但大家要用呢項服務之前，就等筆者提提大家要「用得爽」的三大貼士啦！
雖然係提供 MasterCard® PayPass™ 付款服務的店舖，就可以用 Tap & Go 拍住賞付款，但實際上佢唔係一張信用卡，只係一張預付卡。兩者有乜分別？信用卡唔洗戶口有錢，只要付款金額唔超過信用卡的信用額，就可以付款；而後者雖然都好似信用卡咁，有個 16 位數字的賬戶號碼，但實際上同八達通差唔多，即係大家要戶口存款高於要付款的金額，先可以完成交易。所以要用到 Tap & Go 服務，就一定要記住好似八達通咁先為戶口增值！而增值方法有兩個，以下就同大家介紹一下。
第一方法：在 1O1O、csl 或 HKT 門市增值
第一個方法，就是係 1O1O、csl 或 HKT 門市以現金增值。而家就同大家講講增值步驟啦，超級簡單！
▲首先前往 1O1O、csl 或 HKT 的門市，至於門市地址，1O1O 門市可點按此查閱，csl 門市可點按此查閱，而 HKT 門市可點按此查閱。
▲因為需要用現金增值，記住要帶夠 cash 呀！門市增值方面，金額每次為 $100 至 $3,000 不等。
▲到櫃檯，向 1O1O、csl 或 HKT 門市職員表示要為 Tap & Go 拍住賞戶口增值，職員就會向客戶收取現金，輸入資料後會請客戶將手機的 NFC 觸碰點與櫃檯的增值器（上圖寫著 NFC 圖示的電子板）輕碰。
▲增值完成！客戶會係手機收到增值完成的 SMS 通知。
第二方法：信用卡自動增值
至於第二個增值方法就更加簡單，就係好似八達通自動增值一樣，當 Tap & Go 拍住賞戶口金額用畢後，以信用卡自動增值。暫時 Tap & Go 拍住賞的自動增值服務，只支援大新 VISA 或 MasterCard。以信用卡自動增值同係店舖增值的分別，除了最低增值額為 $500（店舖最低增值額為 $100）外，想隨時增值都得，唔洗得登走去舖頭先做到，相對更方便哩！
▲首先進入 Tap & Go 拍住賞 APP，然後點選「增值」。
▲然後選擇「大新銀行」。
▲然後會跳到大新銀行網頁，大家可以設定每次自動增值金額，以及結餘低於哪個金額時進行自動增值。完成後按「提交」。
▲然後按你的大新銀行信用卡種類，選擇是 VISA 還是 MasterCard。
▲最後輸入信用卡資料，再點按「Pay」。之後大家會收到一個銀行透過 SMS 傳送給你的一次性密碼，然後在「MasterCard SecureCode」版面輸入該密碼，申請程序就完成了！基本上審批過程需要一至兩個工作天，無論成功或失敗都會收到 SMS 通知。當成功後，就可以隨時用信用卡增值啦。
Tap & Go 拍住賞確實係好方便，不過大家使用之前，記住先睇清楚你的手機是否支援使用呢項服務。至於什麼手機支援？大家可瀏覽以下清單，又或者點按此進入 Tap & Go 拍住賞網站查閱，進入網站的中文版後，在選單上按「怎樣拍」>「裝置規格」。
第三項貼士，就是要先知道哪些店舖支援 Tap & Go 拍住賞服務。大家只要睇到舖頭有 MasterCard® PayPass™ 終端機，然後向店舖職員詢問是否支援以 Tap & Go 拍住賞服務付款，如果支援的話就可以用來俾錢架啦！( 詳情點按此 )
呢個問題好簡單，係可以！只要大家用緊最新的 NFC SIM 就可以使用 Tap & Go 拍住賞及八達通 / 其他銀行的 MasterCard® PayPass™ ，唔知自己用緊咩 SIM 可以去門市 check 下，用緊舊款 SIM 可以免費升級架。
想知更多詳情，可 點按此 瀏覽 Tap & Go 拍住賞官方網站，或 點按此 查閱官方 Facebook。
香港電訊引入 50G PON 技術 全港首間支援 50G 應用電訊服務供應商
