由瑞士公司 Swiss Barefoot Company 研發既「新鞋類」，講緊既並唔係咩野輕便波鞋，而係單單的一對襪。而佢既設計，當然就係同鞋一樣保護你隻腳，因為呢個 FYF 襪比鋼更硬！
無錯，FYF 亦即係 Free Your Foot ，就係想人可以讓腳無拘無束咁自由走動，亦都有足夠既保護；而 FYF 既出現就正正回應左呢個需求。FYF 就好似防切手套咁(不過更厚)，FYF 用專門設計既羊毛來製成，比一般襪子製作更煩瑣更嚴厲。襪子裡用纖維 Dyneema 紡成，不但比編織鋼有更強既抗拉強度，佢亦都係耐磨﹑疏水﹑靈活活動雙腳以及難以置信既輕，比起鞋更加適合做「footwear」：既可以彎曲，因為佢本身就係一隻襪；而且又比鞋更具保護性，因為即使踩上棍﹑荊棘或者凹凸不平既岩石上都唔怕整傷腳。
其實 FYF 並唔係 Swiss Barefoot Company 既第一個「襪類產品」，而係公司產品既演變出黎既產物，首個襪產品係由混合芳綸和聚酯製成，並利用層壓 PVC 鞋底。而依家呢款 FYF 就係從首款產品改良而成，就係加入 Dyneema ，令最初「襪取替鞋」既想法得到更好既解決產品。
FYF 最近係 Kickstarter 集資，集資目標僅僅係一萬美元既 FYF 已經好快達破目標，至今已集資近八萬。 FYF 預計最快會於今年十月出貨。以下就係介紹影片：
來源： Kickstarter
