出街食飯？你會用 OpenRice 睇下有邊間餐廳想試；想睇戲？亦都可以用 Hong Kong Movie 睇下有咩戲上，而且仲買到飛；諗唔到去街有咩節目？亦可以上 Timable 睇睇。照計上述呢幾隻咁本地化的手機應用程式應該夠晒用，但香港人總係有好多計仔同諗頭，靠隻 App 就可以係社交網絡平台幫你再去盡啲，又有得玩，又可以享用優惠，真正一舉兩得！
最近有隻新的本地 App －「meToo!」Community Deals 登場，除左可以話俾你聽附近商舖有咩新玩意之外，佢仲會提供埋優惠俾你，啱晒各位貪玩貪食的長崎良美子。
界面操作簡單，左上角 Menu 會有關於優惠的選項，而右上角的四方格就係優惠的分類。
優惠的種類相當豐富，而且仲可以睇到其他用家的 comment，比錢之前睇清楚咁就穩陣啦～
睇中左你感興趣的優惠之後，只要 click 入去心水項目，就睇到相關資料，仲可以 share 俾朋友，大家一齊享受優惠添！按下「BUY」你就可以得到優惠，但唔使俾錢住架，去到舖頭真係要用的時候，先至要俾錢的。如果你發現到有好嘢，仲可以自行新增一個優惠項目，等更多人係個平台度睇到，好野梗係要開心 share。
小編覺得呢個 App 非常適合一班媽媽同埋遊客使用，媽媽最叻格價，吼實晒最抵的貨品，有埋個 App 幫佢地，就唔使走黎走去格價啦，尤其而家夏天，行兩步就成身汗，安坐家中碌下電話睇 App 代勞就最舒服啦。而遊客黎到香港梗係想試玩最道地的新玩意，呢個 App 就正正可以幫到佢地啦，同一時間又可以幫到本地的零售商。不過小編覺得個 App 就要統一返啲語言同埋設計，咁就可以方便用家睇丫嘛。
