今個星期五就係 Samsung 舉行下半年 Unpacked Event 的大日子，屆時香港會同美國同步舉行記者會，而預計發佈機款都應該係 Galaxy Note 5 同埋 S6 edge+。但發佈還發佈，推出日期又會係幾時？今日 Samsung 法國官網就疑似流出 Galaxy S6 edge+ 的預售日期為 8 月 21 日起，亦即係發佈會後一個星期，而預售期會係 9 月 3 日終止，如果屬實，變相係流出了會係 9 月 4 日正式推出。咁 Note 5 如果係同場推出新機，會唔會預售同推出日期都會一樣呢？
另外該官網亦表示，預購了 S6 edge+ 的用家，還會獲贈 3 個月 Google Music 服務及 Samsung Level On 耳機一隻，睇來都幾吸引。不過筆者都曾經聽到一些路邊社消息，指其實所有會於今個星期五舉行發佈會的國家，都會係 Note 5 及 S6 edge+ 的首發國家及地區（包括香港），而且第一批貨呢幾日其實已經靜悄悄放入各地代理的貨倉。消息來源更表示，會係發佈會完結後一個星期內正式開賣，如果屬實，隨時會比今次流出消息的法國更早！
睇來，Samsung 今次係恨下心腸，希望係 Apple 推出新 iPhone 前，率先開賣下半年旗艦機款，給 Apple 來個下馬威。究竟 Samsung Galaxy S6 edge+ 及 Note 5 係咪真係咁吸引？大家就要留意今個星期五 unwire 的記者會現場即時報導啦！
來源：Galaxy Club
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
