繼 G4 推出後 LG 亦發表了G4 Beat ，賣中階機價錢但保留一系列G4獨有特色，例如手動拍攝模式等，唔知依部「低價版G4」又玩唔玩得過呢？以下有更多資料：
LG G4 以皮革機背作為其中一個最大賣點，而中階機 G4 Beat 就飛走皮革機背，改成仿金屬塑膠外殼，仍不失型格，更備有精鋼黑、絲紡白、香檳金三種顏色選擇，一拿上手，由於G4 Beat 的5.2 吋屏幕比5.5 吋屏幕的 G4細小，感覺似縮小了的G4，加上微孤型機身令單手操作時更為舒適。另外，有如G4，G4 Beat 背蓋可以拆除以供插卡換電之用，無電時只要換電就可以再由100%重生。
▲G4 Beat 的5.2 吋屏幕雖然比5.5 吋屏幕的 G4細小，變相令單手操作時更為輕鬆
▲仿金屬塑膠外殼，仍不失型格。沿用LG招牌特色，與G4相同的背鍵設計
▲ 背蓋可以拆開，可插 Micro SIM 及 MicroSD和替換2,300mAh 電池。
配備 5.2吋全高清IPS屏幕，解像度達1920 X 1080，423ppi的屏幕與538ppi屏幕的G4比較睇落細緻度亦唔差得遠，惟顏色與G4比較有點偏黃，而且亮度亦比G4明顯較暗。主鏡頭只有 800 萬像素，係1,600萬像素旗艦機G4 嘅一半，相片質素雖然有分別，但操控享受不比G4差。與G4一樣擁有有激光對焦、色譜辨識器和手動模式。對焦速度比同級手機快不少，色譜辨識器亦令相片顏色更貼近真實，內置最好玩的手動模式，中價手機中可以體驗接近單反的操作，實為抵玩。
▲細緻度唔差得遠，惟顏色有點偏黃，而且亮度亦比G4明顯較暗（圖左G4 Beat，圖右G4）
▲配備旗艦機的 Laser AF 激光對焦，就算係中階機，對焦速度都唔輸蝕俾旗艦機
▲與G4同樣具備全手動模式，ISO、快門、白平衡都可隨意調節，介面與G4沒有大分別
▲ 配備 800 萬像素鏡頭，放大150%後油畫化仍不算太嚴重。
G4 Beat 身為中階機，玩左陣Asphalt 8，完全冇Lag過機，偕因搭載了 Qualcomm Snapdragon 615 處理器及 1.5GB RAM。可惜只有8GB 儲存空間（ROM），實際可用空間更只有 3GB 左右，預budget買機記得預埋budget買SD卡呀！此外，此機支援 VOLTE 功能，手機可以使用 4G 網絡打電話，不會跳到 3G 網絡，連線時間亦大大加快。（VOLTE功能需要網絡商支援）
▲1.5GB RAM閒置時有約 600 MB Free RAM
▲玩左陣Asphalt 8，完全冇Lag過機
▲只有8GB 儲存空間（ROM），實際可用空間就有 3GB 左右
小編自己用緊G4，所以內心一直對依兩部機有比較，試過之後，小編認為如果你唔需要特別高效能去打機，其實 G4 Beat 實在抵玩， 雖然只有800萬像素，卻有 G4嘅強勁攝影功能，包括激光對焦、色譜辨識器和最好玩嘅手動模式，ISO、快門、白平衡都可隨意調節任你玩，，如果想體驗一下單反嘅手動模式攝影，但手頭上銀彈又唔夠入手單反相機或者LG G4，不妨買部G4 Beat過下癮先，操熟咗了解咗點樣操作手動模式先買單反都唔遲。
售價：$2,498
查詢：LG（3543 7777）
