3 分鐘睇盡 Samsung Galaxy Note 5 十大重點功能

剛剛 Samsung 就舉行了 Unpacked Event，正式發佈了 Samsung Galaxy Note 5。究竟呢部第 5 代 Note 系列機款有咩特點？而家就同大家 recap 一下啦！

1) 唔開芒照 Note

以前要用 S Pen 記事，點都要開著芒先可以用到 S Pen 記事。係 Galaxy Note 5，佢就加入了新功能，大家唔洗開芒、亦唔洗幫手機解鎖都可以一樣記到事，超級方便。

2) 更強勁 S Pen 功能

除了唔開芒及唔解鎖都可以記事外，S Pen 亦加入了不少新功能，當中最特別的就是 Scroll Capture 擷圖功能，可以一次過將一頁內容全擷取，無須像以往般分開幾個擷圖儲存，分享重要資訊自然更方便。

3) S Pen 可彈出取用更方便

至於 S Pen 係設計上都有所改進，由於採用一體化機身，所以新 S Pen 將會採用一按彈出設計，從此大家就算無長手指甲，都唔驚拿唔到 S Pen 出來了。

 

4) 方角圓底單手拿更舒服

至於設計方面，Note 5 基本上繼續沿用 S6 edge 的設計，不過 S6 edge 是機面熒幕採用雙曲面玻璃，但 Note 5 就改為機底採用雙曲面設計，不過是否強化玻璃官方就未有明言（理論上應該係……）。

5) 不能換電及插卡

為了令單手操控手感更佳，Samsung 在 Galaxy Note 5 上採用了以往已在 S6 / S6 edge 上採用過的一體化機身，此舉能有效令手機更薄，不過以往有的可換電功能就肯定沒有了，至於能否插卡？相信會視乎雙卡版是否會係香港推出，以及是否真如傳聞所說，採用其中一個 SIM 卡槽可放 microSD 卡的設計。

6) 全新防震技術影相更靚

Samsung Galaxy Note 5 採用了全新的 VDIS + OIS 防震技術，可令拍攝更穩定，令用家係低光情況下都可以手持手機拍攝出清晰相片。此外，前置鏡頭雖然都係 500 萬像素，但就加入了數碼防震技術及採用 F/1.9 光圈，令自拍時更易影到清晰靚 selfie。

7) 首款 Samsung 4GB RAM 手機

此外，Samsung Galaxy Note 5 亦是 Samsung 旗下首款內建 4GB RAM 記憶體的手機，可預期更多可用 RAM 的情況下，手機運作上會更為暢順。

8) 無線充電更快差滿

Samsung Galaxy Note 5 亦加入全新的無線充電技術，據官方表示由 0% 充電至全滿，只需要 120 分鐘，真係好快！

9) 加入新版 SideSync 功能

Note 5 亦加入了 SideSync 同步功能，可以讓用戶回家後，將手機接駁身處同一網絡的電腦或電視，咁大家就可以係更大熒幕上用手機、寫訊息、打機、打電話等。此外，新版 SideSync 亦加入 AirDrop 功能，可以令大家無線係手機與電腦之間互傳相片或文件等檔案。

10）即時 4k Live 直播上 Youtube

Samsung 跟 Youtube 合作，支援用 NOTE 5 或 S6 edge+ 經網絡連接到 Youtube 作即時直播，並支援 4K 的解像度。

 

10) 8 月 21 日起開售香港 maybe 聽日知

預計 Samsung Galaxy Note 5 將會係 8 月 21 日起於加拿大及美國開售，至於香港暫時就未有消息，但今日就是香港發佈會，屆時應有相關消息及售價吧。