芝加哥攝影師 Ivette Ivens 拍攝左一系列非常溫馨既系列，就係佢兒子同鬥牛犬既 Portraits ，而佢地之間有住特別既連繫：兒子 Dilan 同 法國鬥牛犬 Farley 同樣係八個月前既同一日出生。
自從 Farley 加入左家族，佢就一直陪住 Dilan 一齊食 ﹑ 訓晏覺 ﹑ 玩以及沖涼。 Ivette 話：「我肯定 Dilan 覺得自己同 Farley 係同種類，因為佢地一齊經歷咀嚼任何野既階段，由細就一齊玩。」 Ivette 仲話呢個關係係「最純正﹑ 最無條件﹑ 最不可替代﹑ 最不可分割既」而呢個正正就係佢希望捕捉得到既影像。
Ivette 表示無話特定幾時拍，隨時係日頭有靈感就拍低；因為無需要再搵其他既靈感或想法，當你可以每日 24/7 見到呢啲無法控制既可愛。
如果仲想睇多啲 Ivette Ivens 既作品，就可以去返佢個網站 ﹑ Instagram 或者 Facebook 。
來源： PetaPixel
