為左幫《英雄：重生》造勢， NBC 係週四宣佈首集將會加長至兩小時，換來既就係《黑名單》第三季首播被逼推遲一星期先回歸。
《英雄：重生》將會係 9 月 24 日晚上 8 點開播，一連兩個小時，緊隨其後就會播放《終極玩家》(The Player)。至於由 James Spader 主演既《黑名單》第三季將會推遲係 10 月 1 日先至回歸。雖然好似《黑名單》無啦啦被逼推遲好慘，但原來隔離台 ABC 《醜聞》亦都係 9 月 24 日回歸，至於點解 NBC 有咁既決定？你懂的。
NBC 負責人 Bob Greenblatt 仲表示《英雄：重生》將會係多倫多電影節上映，成為唯一一部係電影節公開播映既劇集。
來源： Yahoo TV
