今次由奧斯卡得獎編劇兼導演 Quentin Tarantino 執導既最新電影《八惡人》首個預告已經正式發放啦，由 14 年講到依家，因劇本洩露而重寫劇本，足足用多一年時間，終於都會係明年 1 月 8 日上映，有興趣既讀者可以睇住預告先！
Weinstein Company 表示將會係指定影院率先發放，會係全球首映前兩個星期亦即係今年 12 月 25 日播放 70mm 膠片版，至於全球上映日期就係明年既 1 月 8 日同樣以 70mm 版本上映。今次《八惡人》延續左著名導演以及 Weinsteins 之間既長期關係，當中包括 Quentin Tarantino 所有合作電影。
今次《八惡人》八位主角分別為 Samuel L. Jackson， Kurt Russell， Jennifer Jason Leigh， Walton Goggins， Demian Bichir， Tim Roth， Michael Madsen 以及 Bruce Dern 。故事講述係美國南北內戰(Civil War)六年﹑八年或十二年之後，一架馬車係正值冬天既懷俄明州雪地中駛過，車上乘客係正要帶著逃犯黛西前去紅石小鎮領賞金既賞金獵人約翰。途中佢地遇見兩個陌生人：一個前聯邦士兵而依家係惡名昭彰既賞金獵人梅傑、一個自稱為紅石小鎮新警長既南方叛徒克里斯。係暴風雪中，四個人躲進一間驛馬車站避難。迎接佢地既唔係驛站主人米妮，而係另外四個陌生面孔：代替米妮掌管驛站既巴布、紅石小鎮既劊子手奧斯瓦多、牛仔喬同盟軍將軍桑福德。隨著暴風雪打到呢座山間驛站，呢八個惡人逐漸明白，佢地可能永遠都到唔到紅石小鎮。
以下就係預告片：
來源： The Weinstein Company
