相信好多讀者都幻想過太空旅遊，你可以選擇比 25 萬美元買張 Virgin Galactic 船票上太空，努力學習成為一個宇航員；又或者買個預製既房子，個樣好似已經係太空漂浮過好幾個世紀登陸過好幾個星系。依家 NOEM 就提供左呢個可能性！
NOEM 係一間專做預製組件房屋既公司。今次由三個模塊組成既房屋，離地 12 英尺用金屬框架組合成既「太空母艦」，其實就係客人既要求。 NOEM 既創辦人 Pol Guiu 表示今次三個模組都係用比利牛斯松木，包裹住保溫既係羊毛，而外殼則係覆蓋住拋光金屬。密閉模塊同 HRV (heat-recovery ventilation system) 令到房子比同類大小既屋既能源使用可以少足四分之三！
模塊將房子劃分成一間臥室 ﹑ 客廳 ﹑ 廚房 ﹑ 廁所同埋控制面板。只需要用安裝好既 iPad ，屋主就可以改變水同空氣既溫度，又或者開燈同打開保安系統，同埋可以打開或關閉百葉窗。而門就係由遊艇公司製造既，當主人到家佢就會自動打開。
為左增加飛船既感覺，建築師仲加左一個真正既飛機樓梯同其他科幻細節，包括 Star War 字體同埋閃爍既紫燈，而櫥櫃打開有啲似鷗翼車門咁非常有型。
整個項目需要用 14 個星期時間去完成，而單單係設計呢個 1033 平方英尺房屋就需要 8 個星期既時間，而生產呢啲模塊組件就需要五個星期同埋需要 10 日去組裝。暫時就仲未有任何既價格消息，所以就唔知佢會唔會貴過定平過買張 Virgin Galactic 船票上太空，不過就一定更舒服同埋唔洗學做太空人咁方便嘛！
來源： Digital Trend
分享到 :
最新影片
