即將舉行既電腦通訊節 2015 ，各大參展商都使出渾身解數務求吸引入場者，而 ASUS 今次亦會係電腦通訊節上首次開賣 ASUS VivoWatch ，率先購買嘅讀者更可以有 $100 既超市禮卷回贈！
雖然首賣有優惠，但都要睇下佢既規格內涵抵唔抵買先得架。ASUS VivoWatch 搭載光學感應器，並內建華碩獨家 VivoPulse 技術，免綁心跳帶即可精確監測心率、追蹤消耗熱量，同時仲可以依據性別、年齡等資訊，協助使用者揀返強度適中既運動做；訓覺時 ASUS VivoWatch 亦會自動感測紀錄總睡眠時間、心率及翻身次數，第二朝使用者即可透過舒眠指數 (Comfort Sleep) 時間記錄檢視睡眠狀態，以後就可以跟返個參考睡眠習慣黎提升睡眠質素。
ASUS VivoWatch 配備 LED指示燈，當使用者運動強度達有氧運動區間時，指示燈將顯示為綠燈，即係話有效燃燒熱量、強化心臟功能；但如果運動過份劇烈心率攀升得好快就會彈紅色燈，提醒使用者注意個人運動節奏，免得身體負擔唔到造成傷害，以後做運動都可以好 smart ！
【評測】ASUS ZenFone 11 Ultra 外形 手感 屏幕 相機 效能詳細開箱評測 【評測】ROG Zephyrus G16 (2024) 外形 手感 打機表現 效能 鍵盤 端子開箱評測 【評測】ASUS ZenBook Duo 外形 手感 功能 使用體驗 屏幕 操控 效能開箱評測
當然作為一隻 smartwatch ，電池既續航能力唔可以弱啦，要成日充電就一啲都唔 smart ！而今次 ASUS VivoWatch 充滿電後可用到 10 日，係 smartwatch 中都數一數二啦(小編自己隻 Pebble 都係得 7 日)！而且加入埋 IP67 防塵、防潑水錶身，就算沖涼唔除落黎都唔驚會整壞啦，鍾意水上活動既用户亦都可以隨時戴住記錄活動數據。
ASUS VivoWatch 仲可以透過 ASUS HiVivo app ，將資訊同步至健康管理網路平台 (請按此) ，幫用户更有效率咁 set 健身目標，同埋和同樣用緊 VivoWatch 既朋友分享返自己既健康狀態。
ASUS VivoWatch 零售價為 $1399 ，如果有興趣既讀者就可以率先係電腦節購買，因為會有返 $100 超市禮卷回贈：分別係腦場電腦節 2015 (8 月 19-25 日) 以及電腦通訊節 (8 月21-24 日)，首 20 名和首 30 購買人士將可獲得 $100 超市禮卷。記得唔好錯過啦！
腦場電腦節超市禮卷換領地點： ASUS ROG Pro Shop (深水埗高登電腦中心1樓67號鋪)
電腦通訊節試玩體驗及換領點： H21-H22號攤位
【評測】ASUS ZenFone 11 Ultra 外形 手感 屏幕 相機 效能詳細開箱評測 【評測】ROG Zephyrus G16 (2024) 外形 手感 打機表現 效能 鍵盤 端子開箱評測 【評測】ASUS ZenBook Duo 外形 手感 功能 使用體驗 屏幕 操控 效能開箱評測
