出黎做野會遇到好多人，而且總會遇到一啲地獄級的上司。遇到呢種人，一般打工仔有幾個應對方法：硬住頭皮死忍、同上司對著幹、劈炮唔撈等。除左呢幾個方法，仲有一樣野可以做，就係喺佢地身上，學習做一個更好的 Leader。你會問：佢地咁地獄都要學？Nonono，唔係要你變成另一個地獄上司，而係從佢地身上搵到唔好的特質，再糾正過來，讓自己變成更好的Leader。咁地獄上司有啲咩 Common 問題，又可以學到啲咩呢？
1．樹立榜樣
雖然你唔再係 BB 仔、小朋友，不再單純靠模仿學習，但人其實很容易被環境影響。如果你老闆成日對下屬呼呼喝喝，潛移默化之下，你都可能會變成咁。所以當你上到位的時候，應該為公司樹立良好的工作氛圍及文化，正所謂上行下效，你的下屬都會被你感染，視你為學習對象。
2．不讓同事等你發板
戀棧權位的人很喜歡擺架子，讓自己感覺被重視，增加自己的存在感，因此有時就會拖慢工作進度、久久未能落實決定。好的領袖應該有一套做決定的系統 / 框架，無論事情是否趕急，都可以適時下決定，也讓同事心目中有預算，不會五時花六時變。
3．不開無聊會議
開會是必須的，可以從中了解各同事的工作進度及討論工作發展等等。但有啲地獄上司得閒無事就鍾意搵人黎發表自己的偉論，浪費同事的青春不特止，更會阻礙工作。開會應該要有既定議程及目標，該完的時候就要完，時間是很寶貴的啊！
4．著重溝通
溝通是雙向的，除了表達自己的想法，也要聆聽別人的意見。溝通亦不應只限於 Email 或文字訊息，因為一般的溝通過程中，有七成以上的訊息都不是從口中或文字上獲得的，反而表情、語氣或肢體動作傳遞到更多的訊息。溝通技巧易學難精，學得好不僅能令人更有效理解你的想法，還會增加說服力。
5．放手自由發揮
做老闆同做阿媽一樣，最驟忌做 control freak－控制狂！事事都要管，每個工作步驟都要知… 其實你交得份 job 俾同事做，就要相信佢的能力，只要交代得清清楚楚你想要啲乜，你就放手俾佢自己搞掂，咁佢先學到野架嘛。
6．不出言侮辱
「你有壓力，我有壓力！」人人都有工作壓力，個客投訴、cut budget、「一句話辣㷫打工仔」… 每日都有無數咁多令人爆粗的場面。但負面情緒不應在同事身上發泄出來，因為大家關係係一齊打江山的戰友。出言侮辱不但傷害感情，還會趕走得野的同事。對抗壓力，也是好上司必須學會的。
7．讓同事清楚目標
如果工作目標唔清晰，無論係老闆定同事慢慢就開始散漫，唔知自己做緊咩，最後失去工作的動力。所以每開始一份工作，帶頭的人都應該先定一個目標，再鼓勵同事互相合作，一齊完成，keep 住團火，才能更有效工作。
8．言出必行
守信用係誠信的一部分，不要隨口應承人地，係個客面前做 YES MAN，反而應該審慎處理每一項要求，魔鬼在細節，做好上司千祈唔好下巴輕輕呀。
來源：Lifehack
甚麼是 unwire.space ?
unwire.hk 一直都有報道生活科技，亦有採訪科技創新企業。我們希望透過成立共享工作間 Unwire Space 推動一下香港創業文化的發展。 UNWIRE Space 就位於我們編輯室旁，一個結合新媒體宣傳力的共享工作間就是我們與眾不同的 unwire.space 了。
<詳情請按此>
