大專開學你要搞清楚的五件事 （科技篇）

幼稚園，小學，中學，乜學都要準備開學啦！但作為大專新鮮人嘅你，搞清楚呢五件事就可以開個靚學啦。

1）點 login 學校個 Wi－Fi

你唔好話俾我知你今日上堂重用緊自己嘅數據嚟上網啊！你交咗學費㗎嗎，緊係要用盡去，重要係咁 download apps 同 片。上堂好多時候都會要 download notes，ppt 同做網上練習，所以準備定個 Wi－Fi，下載個陣就無咁心痛啦。

 

2）點用學校個 printer

你唔係重以為係要入電腦室先 print 到嘢掛？話曬叫大專，緊係校園都大過人，好多時候都會採用 Wi-Fi Printing 同 雲端列印。上定學校個網，（通常都要下載一個第三方軟件去操作）學定點用，到時趕住 print 嘢就可以即刻開自己部 notebook，唔洗特登係學校搵 desktop print 啦～

3）Bookmark 學校嘅網上平台ssss

上咗大專就唔係淨係 login 去 eclass 㗎啦，會有好多好多不同用途嘅網上平台，例如係郵件、add-drop、timetable、網上學習資源等。Bookmark 曬所有常用嘅學習平台，無論上堂或者係屋企都要乜有乜，得心應手啦。

4）留意平時進出嘅地方有無插蘇位

帶小米都得，但帶插蘇同 usb 線重方便啦，叉得重快添。課室、飯堂、休息 area、圖書館呢類成日會進出嘅地方都要多加留意啊！

5）幾時係 notebook ownership programme？

係新環境學習，點少得一部新 notebook 振奮一下人心啊！（我應承你，我一定好好地讀書㗎！！！）怕醜唔知問邊個，可以睇返我地 unwire 之前出嘅大全：http://unwire.hk/2015/08/19/hku_back_to_school_2015/notebook/ 

（一切將以大學或電腦公司的最新資料作準）