一踏入 9 月，小編就見到好多畢業生著晒 suit 咁去見工同返工，有唔少人形容返工就好似坐監，但同時亦都有唔少人享受「被需要」的感覺，令自己充滿存在感。究竟你揀個份工係咪真係啱你呢？睇下你有冇感受到以下 8 個動力！
呢度的得著並唔單純指工作的回報：薪酬，而係其他激勵你繼續努力工作的因素，例如：你樂見工作成果，而唔只係當工作係「過下日晨」，而你從工作中獲得的 fringe benefits 係能夠令你進步，咁就最好喇。
「我希望每天叫醒我的不是鬧鐘，而是夢想」，有好多人都覺得呢樣嘢係遙不可及，咁即係代表你份工並未係最適合你。小編雖然唔係做啲咩偉大的工作，但一直以來返工都係充滿動力的，因為從工作中學來的，得來的經驗都是自己的。
星期日的晚上及星期一臨出門口返工之際，你係咪會諗住「唔想返工」，「唔知返工的意義何在」呢？如果係咁，你就有 Blue Monday 徵狀喇。如果冇以上諗法，恭喜你，你夠愛你的工作了！
你係咪諗住「過得一日得一日」，無驚無險又放工，不求有功但求無過呢？但如果你真正喜歡一份工，其實你每日就好似要上戰場的將軍，衝鋒陷陣，解決問題，而不止於苟且偷生啊。
你有冇唔覺唔覺咁同你屋企人或朋友講你工作的事呢？唔係話鬧老細，或者抱怨個客有幾麻煩，而係滔滔不絕咁講你的見聞，如果有，咁你就搵啱工喇！
時間係相對的，同量的時間，有啲人覺得過得好快，有啲人覺得好慢。如果有時返工，你望一望個鐘發現，嘩原來 6 點架喇？正所謂「快樂不知時日過」，憑係公司的時間過得快定慢，就會知道份工你做得開唔開心喇。
人都係一個好重要的因素，如果你啲同事係好嘅，關係好到可以好似《愛・回家》咁放工放假都成日見住，咁就恭喜你，人夾人，真係一啲都唔易架！
資源錯配係呢個世界上實在太常見了，所以你未必真係做到你想的工作，而且好多人都埋怨自己得不到最合適的待遇及安排。但如果你冇呢啲問題，反而不明白點解人地有咁多不滿都仲要繼續，咁你就非常好彩，找到你的位置了！
來源： Lifehack
unwire.hk 一直都有報道生活科技，亦有採訪科技創新企業。我們希望透過成立共享工作間 Unwire Space 推動一下香港創業文化的發展。 UNWIRE Space 就位於我們編輯室旁，一個結合新媒體宣傳力的共享工作間就是我們與眾不同的 unwire.space 了。
