今日凌晨，Apple 就正式推出了全新作業系統 iOS 9，唔知有幾多 wire 民已經好似筆者咁，昨晚漏夜升級哂先瞓呢？當然 iOS 9 配合將會推出的 iPhone 6s / 6s Plus，理論上係最順的；但係舊機上面升級，表現而點？筆者就集合了各同事的 iOS 裝置，試玩後而家就同大家簡單報告一下，等仲心大心細上唔上的 wire 民們，知道究竟升唔升好啦！
係分享升級後感受前，筆者先同大家分享一件事：我係網上或 Facebook 見到唔少人抱怨升級至 iOS 9 之後，部機都比 iOS 8.4.1 時窒。其實每次 iOS 有重大升級（例如：iOS 7、iOS 8 或今次的 iOS 9），都會加入最多新功能，而舊裝置升級後的幾個鐘，都需要時間進行 index，而係 index 緊個時，部機比較窒屬於正常情況。如果大家升級後大半日至一日，仍然有窒的情況，到時先至來抱怨啦。
筆者手擁多部 iOS 裝置，包括：iPhone 6 Plus、iPhone 5c、iPad Air 2、iPad mini 3、iPod Touch 第 5 代及 iPod Touch 第 6 代，全部均於凌晨時份升級至 iOS 9，到今日中午起床試玩，發覺較新的裝置，例如：iPad Air 2、iPhone 6 Plus、iPod Touch 第 6 代都要比 iOS 8.4.1 時更加順（其實 iOS 8.4.1 時已經好順，但 iOS 9 再上一層樓），基本上開 APP 轉 APP 轉頁或者開鍵盤都未見窒的情況。
至於較舊或採用較低規格的裝置，例如：iPad mini 3、iPod Touch 第 5 代、iPhone 5c，就係拉下搜尋欄及呼叫出程式切換介面時有少許窒，但同 iOS 8.4.1 時相比都係差唔多，無特別差咗，彈出鍵盤都唔算窒，整體來講算係滿意㗎啦。
由於筆者手上未有更舊的 iOS 裝置，例如：iPhone 5、iPhone 4s、iPad mini、iPad 2 等，實在不知道係呢啲更舊裝置裝上 iOS 9 後表現如何。如果有 wire 民有呢啲裝置並已升級至 iOS 9，可唔可以同大家分享一下升級後體驗呢？
影片制作中……
Apple 推出開源生成式 AI OpenELM 有 4 種版本 + 可在手機上運行 疑受 Samsung OLED 產能影響 全新 iPad Pro 11″ 或供不應求 世界冠軍球會盃明夏美國舉行 傳 Apple 以 10 億美元取得播放權
另外筆者係用 iOS 8.4.1 個時（基本上上咗 iOS 8.4 之後就有呢個問題），發覺多工效能上真係差咗，好多 APP，尤其係遊戲，出 APP 無耐（大約 3 分鐘左右啦）就已經要重新 reload，而唔係一入去就用得玩得；而上咗 iOS 9 之後，發覺多工效能同埋 RAM 管理上好咗，基本上出咗 APP 5 分鐘再入番去都仲可以即開即用 / 玩，回復番 iOS 8.3 個時嘅表現。呢個舊 bug 終於被解決，太好了！
以往每逢有重大 iOS 升級，都總有一大堆 APP 有未支援新 OS 的情況，導致用一陣就會彈 APP，甚至用都唔俾用一禁 APP 即彈。今次的 iOS 9 升級，我覺得 Apple 升係比較有誠意，因為用咗半日暫時都未見有彈 APP 情況，基本上用開嘅 APP 同埋玩開嘅 games 都唔見有唔支援問題，呢一點係值得讚嘅。
網上有唔少網民都話升級咗 iOS 9 之後，部機耗電比之前係 iOS 8.4.1 時快咗（多數都係係裝咗 iOS 9 GM 時表示嘅）。但我幫幾部機升級至 iOS 9 之後，又唔太覺有耗電快咗嘅問題，iPhone 5c 轉舊用咗半日都仲有一半以上電，iPad mini 3 同埋 iPad Air 2 都仲 keep 住有 90% 以上電量，完全唔覺有呢方面問題。所以大家都唔洗太擔心升級 OS 之後部機會快咗無電啦。
整體來講，筆者將多部 iOS 全部升級至 iOS 9 後，用咗半日整體都好滿意，大家最關心嘅問題：會唔會食電咗？會唔會好窒？會唔會彈 APP？我幾部機都唔見有呢個情況。加上今次 iOS 9 真係加入咗唔少新功能，對於整體使用體驗來講，相比 iOS 8.4.1 真係更上一層樓。所以總結就係：如果大家用緊嘅機係 iPhone 5s / 5c 同期或之後推出的 iOS 裝置，咁就真係升得過！但如果舊到好似 iPhone 4s、iPad 2 等，由於我手上無呢啲裝置，所以都試唔到會唔會有上述 3 大問題發生，但筆者為穩陣起見，都建議呢啲舊機用家遲少少，等多啲人做完白老鼠報告完先至考慮升唔升啦。
Apple 推出開源生成式 AI OpenELM 有 4 種版本 + 可在手機上運行 疑受 Samsung OLED 產能影響 全新 iPad Pro 11″ 或供不應求 世界冠軍球會盃明夏美國舉行 傳 Apple 以 10 億美元取得播放權
