昨日 Apple 推出 iOS 9 呢個全新作業系統，唔知有幾多 wire 民已為自己部機（或機 s）升級呢？升級之後係咪就一了百了？梗係唔夠！當然 iOS 9 有唔少係人都睇得到嘅新功能，但大家記住學埋呢 16 個隱藏 Tips，先至好同人講自己係 iOS 9 達人呀！
升級後很多用家第一個反應就是不習慣新的「蘋方」字體，相信我過 2天你會覺得它更好看。其實這款新字體很實用，特別在細字會比以前看得更清楚
一般來講，Wi-Fi 上網自然係最快嘅，仲可以幫大家慳唔少 data 用量添！不過好多時遇到不良的 Wi-Fi 訊號速度大減，在 iOS 9 預設會自動轉用 3G / 4G 網絡解決，這個功能對高數據用量的用家影響不大，但對於低數據用量的用家可能情願慢一點都不想轉回 3G / 4G 。大家只要進入流動數據，再碌到最底然後關閉「Wi-Fi 輔助」就可以免中伏了
Siri 建議係 iOS 9 的新功能，會俾用家唔少有用建議，例如：建議你用咩 APP、查看最常聯絡或通話的聯絡人等，不過有啲時候，或者有啲人會覺得佢好煩或感到拖慢系統的話，直頭唔想見到佢！其實大家係可以將 Siri 建議關閉的，只要進入設定 –> 一般 –> Spotlight 搜尋 –> 然後關閉 Siri 建議就可以了。
Siri 唔止多咗建議呢項功能，仲比以前更加智能，例如：大家係 Apple 地圖上面睇緊 book 邊間酒店，決定咗個時，但又唔得閒即 book，可以即時長按 Home 鍵叫出 Siri，並同佢講「今晚提我呢件事」，連件事都唔洗講，佢就已經會將 Apple 地圖入面嘅資料放入「提醒事項」APP 入面，都幾方便。
Siri 無疑係好好用，但有啲正經場合，如果 Siri 係唔適當嘅時候突然出聲（例如：之前某女記者係白宮記者會入面，係其他記者提問緊個時突然出聲），場面真係會幾尷尬！所以，係呢啲場合，Siri 都係暫時收聲會比較好。大家只要係設定 –> 一般 –> Siri –> 語音回應入面，選擇「隨鈴聲按鈕控制」，咁大家只要較部機為靜音個時，就可以順便叫 Siri 收聲了。
Spotlight 搜尋有時都幾有用，尤其是係搜尋內容個時，iOS 9 入面嘅 Spotlight 搜尋就甚至可以搜尋埋 APP 入面嘅資料。但如果某啲 APP 係唔需要用得到 Spotlight 搜尋，只要大家係設定 –> 一般 –> Spotlight 搜尋入面，關閉呢啲 APP 就可以了。進一步節省系統資源
呢項功能係 iPhone 專用，畢竟手機係每個人隨身攜帶嘅必備裝置，一旦無電真係幾麻煩。所以 Apple 就加入了低電量模式，俾大家即使唔太夠電，都仲可以頂多陣。佢會係 iPhone 電量剩下 20% 以下時自動開啟，但平時大家如果想進一步節省耗電，係可以手動開啟的，只需要進入設定 –> 電池，然後開啟「低電量模式」就可以了。
以前就係要嘅！但如果大家已經升級去 iOS 9，只要使用內建嘅備忘錄程式，就可以用畫圖形式記事架啦。只要進入備忘錄程式並開啟新記事，之後點按右下角嘅畫線圖示，就會有唔同筆同唔同顏色嘅工具俾大家揀，之後就可以用來畫圖記事啦，超方便。
iOS 同埋 Mac OS X 一向都會俾大家將檔案 / 文件儲存係 iCloud 雲端，等大家可以隨時隨地係電腦或者 iPhone / iPad 睇番相關檔案。但如果係 iPhone / iPad / iPod Touch 上面想隨時快速睇得番呢啲檔案，只要將 iCloud Drive 當做隻 APP 放係 Home 介面就得啦。只要進入設定 –> iCloud –> iCloud Drive，然後開啟「iCloud Drive」就 OK 了。
iOS 9 入面，Apple 加入大小階顯示上切換，令大家可以清楚睇到自己打緊嘅英文字係大階定細階。但如果大家唔需要用到呢項功能，只要進入設定 –> 一般 –> 輔助使用 –> 鍵盤，之後關閉「顯示小寫按鍵」就可以了。進一步節省系統資源
▲未關閉前效果。
▲係呢度可以關閉小寫按鍵。
▲關閉後效果。
Apple 用戶刪除不雅照 4 年 iPhone 升級 iOS 17.5 後突然重現 Apple 發表最新輔助使用功能 眼動追蹤 + 音樂觸覺 + 語音捷徑 iOS 18 將加入更多輔助使用功能 包括眼動追蹤、音樂觸覺和語音捷徑等
有時想一次過 delete 十幾張相，以前就要逐張篤之後刪除，但係 iOS 9 上面，如果個十幾張相係連續嘅話，只需要點按「選擇」，之後按住第一張相唔放，再向後面掃，就可以一次過揀十幾張相，之後將佢哋刪除就得了。
每個人嘅手機入面，相信多多少少都有啲「唔見得人」嘅「私密相」嘅，right？拿，大家唔好心邪呀，我唔係單指「閃卡」架，例如：你 iPhone 入面有同朋友 group A 同朋友 group B 嘅合照，但又明知朋友 group A 同朋友 group B「唔啱瓦」，咁去朋友 group A 聚會個時，無理由俾佢哋見到自己同朋友 group B 嘅合照相架嘛，right？咁大家可以點做？只要係相簿揀咗唔想人哋見到嘅相，之後點按分享鍵，再揀「隱藏」，咁就得架啦！以後大家就可以放心俾部 iPhone 朋友睇相，都唔驚佢哋見到唔應該見到嘅相啦。
大家一年計落都會用部 iPhone 影低唔少相，如果要搵番係某地方影嘅相，慢慢碌有時真係幾費時失事。係 iOS 9 上面大家就可以叫 Siri 幫幫手，只要係相簿叫出 Siri，並搜尋「我想睇係 XXX / 幾時幾時影嘅相」，Siri 就會幫你搵出有可能有關嘅相出來架啦。
睇相個時想睇清楚啲細節，一向都可以用兩指縮放手勢放大張相，但如果睇片個時想睇清楚啲又得唔得？係 iOS 9 上面大家就可以咁做啦，只要係睇片個時做相同手勢就得了，仲唔會影響影片播放順暢度添！
Apple Music 入面，尤其係電台功能，唔知有幾多人會用？筆者就成日聽嘅，話哂仲係唔洗錢嘛，梗係用盡佢啦！不過大家有冇發覺一旦出到街用 3G / 4G 聽，音質會比係屋企用 Wi-Fi 聽差好多？如果大家想出到街都聽到 256Kbps 的音質，iOS 9 就幫到大家啦，只要係設定 –> 音樂 –> 然後開啟「使用流動數據」同埋「使用流動網絡播放高質音樂」，咁大家出街都聽到高清音樂啦。筆者試過，其實分別都聽得到，最少聽 Beats 1 電台個時，未開個時聽到背景嘅沙沙聲，係開咗之後就細聲咗好多甚至無哂，算 OK 啦。不過如果大家用呢個功能，記住會用多咗數據用量，而且係網絡質素較差嘅地方，會 load 得慢啲搞到聽歌窒下窒下，係咪開就各位自行決定啦１
暫時 ApplePay 香港就仲未用到，如果大家去到美國或者英國旅行，就可以試得到啦！但邊間餐廳或地方接受 ApplePay 付款？大家唔洗去到先知嘅，只要開啟 Apple 地圖，之後搜尋到打算前往的地方 / 餐廳，如果該地方 / 餐廳接受 ApplePay 付款，係會顯示係資料度。
如果大家去以下城市旅行（包括：巴爾的摩、北京、柏林、芝加哥、倫敦、墨西哥城、紐約、賓夕法尼亞州、三藩市、上海、深圳、多倫多及華盛頓），以前如果要搭火車、地鐵、巴士等公共交通工具個時，要自己慢慢搵番班次，都幾麻煩。係 iOS 9 上面，Apple 就係 Apple 地圖上面加入呢啲公共交通工具嘅班次，大家要睇幾時有車就更方便唔洗自己上網搵。
Apple 用戶刪除不雅照 4 年 iPhone 升級 iOS 17.5 後突然重現 Apple 發表最新輔助使用功能 眼動追蹤 + 音樂觸覺 + 語音捷徑 iOS 18 將加入更多輔助使用功能 包括眼動追蹤、音樂觸覺和語音捷徑等
