雖然好多人都話講萬聖節氣氛，迪士尼都唔夠海洋公園鬥，年年都喺「夜光鬼魅巡遊」、「明日世界化妝間」同、「詭墳學院」等幾間鬼屋咁，但始終都有唔少 fans 特意買夜間門票入場，貪佢有少少恐怖，多多趣味。不過今年迪士尼好似想搞 D 新意思，首次將迷離莊園、灰熊山谷及探險世界三大園區變成戶外「詭城」，至於抵唔抵玩就由【萬聖節敢死隊】嘅我依莉詩同籮文話俾大家知啦！
入夜之後，迷離莊園將化身為「詭影迷離莊園」，每隔一小時就會有大約 20位亡靈由迷離大宅走出來，並跟住音樂停留同走動，所以佢地可能會喺你身邊行過，但未必會停喺度，至於你能唔能夠同佢地合照，就要睇你好唔好彩啦！
迪士尼向 Epic Games 投資 118 億 冀發展 Fortnite 宇宙
喺排隊玩灰熊山谷嘅位置，你會見到一班礦工同牛仔，破墓而出，喺鐵絲網入面走來走去。而另一邊廂，神秘嘅火車司機會喺「詭魂劇場」道出牛仔與礦工之間嘅恩恩怨怨。
叢林內變得充滿神秘氣氛，領航員會帶你乘坐探險船遊歷探險河進入神秘的叢林，展開黑暗神秘的旅程。
坦白講，唔知喺咪 D 資源去晒上海，今年迪士尼似喺放棄狀況。如果想玩鬼屋、睇巡遊、化妝影靚相嘅朋友，今年應該會好失望啦，因為今年黑色世界得番以上 3個活動。試玩過後，我終於明白點解今年會叫「詭城玩失蹤」，因為喺人山人海嘅「詭影迷離莊園」同「詭魂劇場」街頭表演度真喺好易走散。亦因為今年已經再無鬼屋、巡遊、沿路亦再無鬼怪嚇你，所以今年最驚嚇嘅就喺「森林河流之旅」隻河馬變咗骷髏。如果買咗奇妙處處通，只喺想去影相嘅朋友，你亦要有心理準備同一眾大媽爭位影相，事關今年嘅鬼喺唔會停底俾你慢慢影。
驚嚇度 ☆☆☆☆☆
必玩指數 ☆☆☆☆☆
講個秘密俾你哋知，籮文幾年前都曾經喺香港迪士尼樂園返過工，仲係迪士尼黑色世界期間負責協助美國小鎮大街上扮鬼嘅演員，所以對依度有一個獨特嘅情義結。當年迪士尼嘅鬼屋，諗起都覺得正，驚嚇度唔會話好勁，不過話晒係跨國企業，啲佈置全部都好?本，好仔細。講返今年，原來今年係冇鬼屋架，我當堂嚇一跳，然後好失望。雖然講驚嚇度，迪士尼鬼屋唔及海洋公園，不過都吸引到好多「又要淆又要玩」嘅人，今年放棄搞鬼屋，主題公園鬼屋就咁俾海洋公園壟斷晒，好可惜囉。可能迪士尼希望打破框框，唔一定要喺鬼屋入面先有鬼嚇你，可能想打造一個「周街都有鬼忽然彈出黎嚇你」嘅新形式，不過試想下，啲鬼一彈出黎就俾人捉住影相，仲邊得閒嚇你呀。最後總結一句，今年迪士尼黑色世界同平日嘅迪士尼差唔多，驚鬼嘅淆底獸可以照去，照玩平日啲遊樂設施。
驚嚇度 ☆☆☆☆☆
必玩指數 ★☆☆☆☆
迪士尼向 Epic Games 投資 118 億 冀發展 Fortnite 宇宙
