話說 6S 仲有兩日先有貨，預訂咗機嘅果迷都仲諗緊去唔去朝聖，但依莉詩今日喺 IFC Apple Store 見到多咗個 Steve Jobs 銅像，唔知喺咪放定喺度俾贏家影相曬命呢？
▲ 咦？唔喺波，識行識走架嘅，唔通 Steve Jobs 翻生？7月又過咗，萬聖節又未到，嚇鬼咩。
▲ 仲唔快快趣問下佢 6S 炒唔炒得起先。
▲ 原來呢個 Steve Jobs 喺由擅長以逼真雕塑效果模仿古今偉人嘅奧地利創意表演團隊《BIG NAMES》成員假扮嘅。唔睇真 D 真喺以為個喺 Steve Jobs 嘅銅像識郁添！
▲ 除咗 Steve Jobs，你又認唔認到邊個喺法國時裝傳奇香奈兒小姐 (Coco Chanel)、物理學家愛因斯坦 (Albert Einstein)、天才音樂家莫札特 (W.A. Mozart)、發明大王愛迪生 (Thomas Alva Edison)、華特·迪士尼（Walt Disney）呢？
▲ 嘩！Steve Jobs 教我用 Macbook 呀，但 D 顏色好似有 D 唔對路波。
▲唔知同愛因斯坦合照完會唔會聰明 D 架呢？
▲ 愛迪生拎住個咁大個電燈膽，情侶應該唔會走埋去啦掛？
▲ 可樂之父 John Stith Pemberton 銅像拎可樂好正常姐，但…支可樂真係堅架！送俾你敢唔敢飲先？
▲ 身為時代女性，梗喺要同 Coco Chanel 影番張相啦，不過小心俾佢噴到成身香水呀。
▲ 莫札特拎音樂盒咁搞鬼，應該坐喺鋼琴先岩佢身份架嘛！
▲ 拿～人地艾菲爾起巴黎鐵塔咁犀利，西班牙建築師應該學下啦！最少要記得留位起電梯呀！
▲ “You only fail when you stop trying.” 雖然你可能唔知貝爾係邊個，不過無咗佢發明電話，你都唔會變低頭族啦，仲唔快 D 去國際金融中心商場 (ifc 商場)多謝佢？
Steve Jobs 簽名卡片拍賣 成交價超過 18 萬美元 賈躍亭批 Apple：放棄造車大錯誤 Apple 放棄 10 年造車計劃
