中秋啱啱過咗，睇完個個又大又圓嘅超級月亮之後，喺咪好想摘佢番屋企呢？當然天上嘅月亮就買唔到嘅，但早前網上瘋傳嘅月球燈依家香港都有得買啦！而我依莉詩仲借咗個放喺公司賞月添，點知籮文攬住佢死都唔放囉！
由台灣橡果藝術工作室設計嘅超逼真月球燈－LUNA ，早排喺喺網上集資反非常熱烈。不過如果要由台灣訂返嚟，計埋運費，最細嘅都要 USD$90，差唔多 $700幾蚊。幸好，將會喺 10月初開業嘅網上生活平台 “unun” 得到獨家代理，以月球燈成為佢地第一件商品，最細嘅 $580就可以喺香港買到啦！
雖然話 LUNA 並唔喺第一個以月球作藍本嘅燈，不過每一顆 LUNA 絕對喺獨一無二。因為由製作玻璃纖維內層、外層塗佈、製作陰影、烘烤脫模及打磨等都喺全人手製造，所以每一顆 LUNA 嘅紋理同質感都極似真實月球。
▲ 每一個步驟都喺全人手製造，絕非一兩個鐘可以完成，話佢喺藝術品都絕不為過。
▲ 月球燈表面立體，摸上手非常有質感，就算未開燈都可以清楚睇到月球嘅陰影分佈。
▲ 月球燈用途大概喺裝飾燈，所以可以自行調教光暗度非常重要。
▲ 唔好睇佢好似好薄，但實質上好硬淨，不但防水、防熱，仲好耐撞。據說 “unun”網站負責人拎月球燈嚟公司嘅時候撞到條燈柱，月球燈唔單止無花，支燈柱仲搖搖下添！唔通真喺有月球咁硬？
LUNA 一共有 7種尺寸，分別喺 XXS (8cm)、 XS (15cm)、 S (20cm)、 M (30cm)、L (40cm)、XL (50cm)、XXL (60cm)，可以因應室內環境去買唔同直徑嘅月球番屋企。不過除咗迷你版用電池，其他都喺插電。如果想拎出戶外影相就有 D 難道啦。
▲ 因為月球燈表面唔太熱，所以籮文攬住佢死都唔放，仲話好舒服啵！
▲ 8cm 迷你版可以放喺掌心，好浪漫呢！
售價： $580起
查詢：www.ununliving.com
