TutorSpotter－家長 x 學生 x 補習老師 3 者搵到最 Perfect match

2015-09-29

Published by

Grace

開咗學一個月喇喎，有冇同學仔已經跟唔上學習進度，諗住要補習喇？有冇家長發現小朋友愈來愈多功課，你放工返去教唔切，想搵個補習老師幫下手呢？通常你會點搵呢？以前就話落樓下間超級市場睇紙仔搵老師，或者隔離阿陳師奶介紹啫，有一排就上網登記，再等中介 assign 俾你，搞到啲人成日收到啲垃圾 SMS 同 Whatsapp 訊息。而家活在數碼新世紀，我地梗係自己上網搵老師啦！

Tutorspotter 創辦人 Mark Wang 睇中私人補習市場，成立網上配對平台。

師資一目了然睇評分助揀選

Tutorspotter 係一個私人補習老師同學生的網上配對平台，老師們會於網上建立自己的 Profile，讓學生 / 家長了解自己的背景資料、強項及收費，學生 / 家長揀好之後可以喺網上定補習時間，仲可以網上處理埋收費，提供一站式服務。補習老師可以多一個渠道搵 part time，家長 / 學生又可以多一個方法搵老師，一舉兩得。

老師只需填寫簡單的表格即可成功「上線」。

TutorSpotter 係一個網頁應用（Web-app），黎緊年底仲會製作埋手機應用程式，方便大家配對。而家可以上去佢地個網頁用住先，以下簡介會講下搵老師的整個流程。

主頁有兩個選項，你可以按身份選擇。

如果想搵補習老師，就按左面「 Students start here」，睇到老師嘅簡介同收費。左面可以按需要揀選要求，例如邊區上堂、幾年級等。

當你 click 入去其中一個老師度，就見到佢嘅詳細資料，如果想再進一步了解，或者約上堂時間，可以聯絡老師。

當你想聯絡老師的時候就會彈呢個畫面出黎，主要來講有 3 大注意事項：1. 上第一堂前，用Tutorspotter 交學費可確保首堂課獲退款保障，不滿意不收費；2. 當首堂預約後，系統將自動顯示導師聯絡資料；3. 首堂預約前不要以任何方法透露個人聯絡資料予導師。

然後你就可以開始同老師講野架喇。

上完堂之後，你仲可以俾分及評語個老師，其他人睇到可作參考，再決定係咪搵呢個補習老師。