好多人覺得最新推出嘅 iPhone 6s 及 6s Plus 銷量十分理想，甚至有報告指銷情比上代更加好。但最近有報告就大唱反調，指出兩部新機首星期銷量同舊年嘅 iPhone 6 / 6 Plus 相比，卻係差咗一截。
從 Localytics 嘅報告指出，iPhone 6s 及 6s Plus 係銷售首周的銷量，分別係整個 iPhone 市場佔有率嘅 1.5% 及 0.4%，合共為 1.9% 市佔率；但舊年嘅 iPhone 6 及 6 Plus，首周銷量佔嘅市場佔有率，就分別已達 2.4% 及 0.3%，合共為 2.7% 市佔率，銷量上確實比今年好得多。而從此數據可以得出，今年 iPhone 6s 細機銷量仍然比 iPhone 6s Plus 大機好得多，足足多接近 4 倍，可見 6s Plus 雖然功能上更加出色，但 iPhone 用家似乎都比較著重單手操控，所以寧願選擇功能相對較少較弱，熒幕亦較細較低解像度嘅 iPhone 6s。
至於截至 2015 年十月為止，iPhone 6 仍然係最受歡迎嘅機款，達到 33.2%，而第二及第三，分別為 iPhone 5s 及 iPhone 5，佔有率分別為 23.2% 及 11.2%，而舊年首部大芒 iPhone 6 Plus，亦佔有 9.9% 市佔率。未知去到下年，iPhone 6s 及 6s Plus 會唔會有機會進佔更高位置呢？
來源：Localytics
中國手機市場競爭激烈 iPhone 從銷量首位直接跌至第五 美國 iPhone 啟用率跌 創 6 年來新低點 傳 iPhone 17 Plus 螢幕將縮水 使 Pro Max 版本更有優勢
