今晚 Microsoft 推出的 Surface Book 固然精彩，但全新的 Surface Pro 4 用落又點？就等現場天恩同大家試清楚。
其實從下圖大家可以睇到，裝上全新 TypeCover 的 Surface Pro 4（右），機身明顯比 Surface Pro 3（左）細少許。另外，機身亦比上代薄了少許，不過最重點都係個 TypeCover 鍵盤，採用全新設計的按鍵，比上代係回彈力上其實差唔多，但按鍵禁落去比上代硬身，感覺更加 firm，加上按鍵鍵距分得開咗，感覺就好似用緊 full-size 鍵盤打字咁，長時間打字點都會舒服咗。不過 TouchPad 雖然面積係大咗，但拇指依然容易誤觸到，會好容易郁到滑鼠鼠標，此問題係今代仍然解決唔到。
右方的 Surface Pro 4 係機身體積上明顯較左方上代的 Surface Pro 3 細少少。
但今代仍然有拇指容易輕觸到 TouchPad 的問題。
可見 Surface Pro 4（右）的 TypeCover 比 Surface Pro 3（左）的 TypeCover，每個按鍵之間鍵距分得開咗，加上按鍵更硬更 firm，打字個時係舒服咗。
新的 TypeCover 裝上 Surface Pro 3 同樣用得到，而且配備指紋辨識器，即使用舊機都一樣可用 Hello 的生物辨識方法登入 Windows 10。
右方 Surface Pro 4 比上代左方的 Surface Pro 3 薄少少。
運作時機身溫度大約為 28.2 度，十分「冷靜」。
熒幕方面，Surface Pro 4 採用了 12.3 吋 2,763 x 1,824 解像度熒幕，比上代 Surface Pro 3 的 12 吋 2,160 x 1,440 解像度熒幕係高了少少，但質素上兩者分別其實唔遠。只係望落熒幕邊框幼了，令熒幕雖然大了，但機身感覺好似細咗（不過實際上係一樣）。
邊框錯覺令大家覺得 Surface Pro 4（右）比 Surface Pro 3（左）細咗，但其實查番規格係一樣的。至於熒幕質素兩者相差唔遠。
使用 Spyder 5 測試熒幕色準，得到 6031K 白平衡，以 6500K 為準確白色來講，算係好理想了。至於亮度都達到 402.57cd/m2，其實感覺比 iPhone 6 Plus 更加光，可能同熒幕面積較大有關吧。
至於今次隨同 Surface Pro 4 推出的全新 Surface Pen，用起來真係幾好用，尤其是畫線條個時，線條跟得個筆頭好貼，加上支援 1,024 級壓感，用落感覺真係似用支真筆；而個筆尾擦膠亦好靈敏，要抹走已寫文字同線條真係好容易。另外 Surface Pen 筆頭寫字個時嘅感覺好似係用橡膠物料嘅筆頭寫緊咁，有少少彈力好舒服，唔係硬身個種設計。不過有一點要批評下，就係新 Surface Pen 磁石似乎無上代咁強力，吸係機邊個時，唔覺得掃到都會整跌支筆，如果大家唔想咁容易整唔見，帶出街用個時都係另外收藏比較穩陣。
筆頭有好似橡膠物料嘅設計，寫起來少少彈力，幾舒服。另外從下面實試影片可以睇到，線條都跟得支筆幾貼，效果幾流暢。
新 Surface Pen @ Surface Pro 4 使用體驗使用全新 Surface Pen 於 Surface Pro 4 上使用現場體驗。
Posted by UNWIRE.HK on Tuesday, October 6, 2015
Microsoft 將於 Intel + AMD CoPilot+ PC 推出即時字幕功能 未能與 iMac 匹敵 Microsoft 停產 Surface Studio 2+ Microsoft 推出免費 Bing 桌布 App 運作模式被指類似惡意軟件
