前日在家無無聊聊，打開 Instagram 翻看以前上載的舊照片，發現經過幾年時間，我使用 Instagram 的模式原來不斷轉變。一開始用 Instagram 來「扮有型」，風景相、Moody 相落 Filter 加埋文青 Feel 的 Caption 上載。唔型的食物照、團體照、騎呢照則放在 Facebook 分享，兩者分得清清楚楚。
後來一班明星喪玩 IG，各式各樣品牌舖頭又加入造勢，原本充滿扮有型靚相的 Instagram Feed，變成追星 Sell 貨的地方。由 follow 城市風景相、攝影師藝術作品，慢慢變成 follow 朋友、明星仔、運動品牌和球隊。每次打開 Instagram 見到的亦變成了明星多謝品牌贊助、潮服店 Sell 新貨、朋友跑步紀錄、打邊爐相機食先；感覺就有如明明訂閱「號外」，睇睇下卻變成「TVB 週刊」。
最近筆者的 Instagram 開始出現官方授權的珠寶、保護野生動物廣告，硬生生插入我的 Feed 內，坦白說感覺很怪。不過相對見到「豐胸減肥」「全球交友」「名錶 1:1 復刻」「抱歉阻一下，入來….」這類留言，其實已經好得多。見到一堆眼冤的殘體字廣告，心想一切都係「自己攞嚟」，把心一橫將明星和本地網店通通移除，一下子視覺上舒服得多了。
青少年社交媒體使用趨勢調查 Youtube 位列榜首 近半受訪者長期在線 Instagram 推出 DM 新功能 移動位置共享 + 300 款貼圖更新 + 設定好友暱稱 Instagram 測試建議內容重設功能 解決用戶被推介奇怪內容的問題